ޕްރިމިއަރ ލީގު: ޕާމާ އާއި ޖެކްސަންގެ ގޯލުން ޗެލްސީއަށް މޮޅެއް، ޔުނައިޓެޑާއި ޓޮޓްނަމް ބަލި
އިނގިރޭސި ޕްރިމިއަރ ލީގުގައި އާދިއްތަ ދުވަހު ޗެލްސީ މޮޅުވެ، މެންޗެސްޓަރ ޔުނައިޓެޑާއި، ޓޮޓްނަމް ބަލިވެއްޖެއެވެ. ޗެލްސީ މެޗު ކާމިޔާބުކުރީ ނިއުކާސަލް ޔުނައިޓަޑާ ވާދަކޮށް 2-1 ނެވެ.
މެޗުގައި ޗެލްސީގެ ފުރަތަމަ ގޯލް 18 ވަނަ މިނިޓްގައި ކޯލް ޕާމާ ތަނަވަސްކޮށްދިން ފުރުޞަތެއްގައި ކާމިޔާބުކޮށްދިނީ ނިކޮލަސް ޖެކްސަންއެވެ. މިއީ ލީގުގައި ޖެކްސަން ޖަހައިދިން ފަސްވަނަ ގޯލެވެ. ޗެލްސީގެ ދެވަނަ ގޯލް ކާމިޔާބުކޮށްދިނީ ކޯލް ޕާމާ އެވެ. ރޮމެއޯ ލަވިއާ ތަނަވަސްކޮށްދިން ފުރުޞަތުގައި 47 ވަނަ މިނިޓްގައި ޕަމާ ޖަހައިދިން ގޯލާއެކު ސީޒަންގައި ޕާމާ ޖެހި ގޯލްގެ އަދަދަކީ ހަތެކެވެ.
މެޗު ފަށައިގެން 4 ވަނަ މިނިޓްގައި ވެސް ކޯލް ޕާމާ ލަނޑެއް ޖެހިއެވެ. ނަމަވެސް ވީއޭއާރުންވަނީ އޮފްސައިޑް ކަމަށް ކަނޑައަޅާފައެވެ.
ނިއުކާސަލްއިންވެސް ވަނީ ޗެލްސީން ފުރަތަމަ ގޯލް ކާމިޔާބުކުރިތާ 14 މިނިޓްފަހުން ގޯލެއް ކާމިޔާބުކޮށްފައެވެ. ނަމަވެސް ކޯލްޕާމާގެ ގޯލާއެކު ޗެލްސީންވަނީ ނިއުކާސަލްއަށް ގޯލެއް ކާމިޔާބުކުރެވޭނެ މަގުތައް ބަންދުކޮށް މެޗު ނިމެންދެން ހިފަހައްޓާފައެވެ.
ލީގުގައި ޓޮޓްނަމް ބަލިވީ ކްރިސްޓަލް ޕެލަސްއާ ވާދަކޮށް1-0 ންނެވެ. އަދި މެންޗެސްޓަރ ޔުނައިޓެޑް ބަލިވީ ވެސްޓްހެމް ޔުނައިޓަޑާ ވާދަކޮށް 1-2 ނެވެ.
ރިއެކްޝަންސް
