ފުޅާދާއިރާއެއްގައި ހަށި ވިއްކަމުން ދިޔަ ބަޔަކު ޑީޕޯޓް ކޮށްފި
ފުލުހުން ބުނީ ހަށި ވިއްކުމުގެ ވިޔަފާރި ކުރަމުންދިޔަ ފަސް މައްސަލައެއްގައި ހައްޔަރުކުރި މީހުންގެ ތެރެއިން ހަ މީހަކު މިހާތަނަށް ޑީޕޯޓް ކޮށްފައިވާ ކަމަށެވެ. އެއީ ހަށި ވިއްކި 5 އަންހެނަކާއި, އެޖެންޓެއްގެ ގޮތުގައި މަސައްކަތްކުރި ފިރިހެނެކެވެ. އިތުރު ތިން ބިދޭސީ އަންހެނުން ޑީޕޯޓް ކުރުމުގެ މަސައްކަތް ކުރަމުންދާ ކަމަށް ފުލުހުން ބުންޏެވެ.
ފުލުހުން ބުނީ ފަސް މައްސަލައެއްގައި 7 އަންހެނަކާއި އެޖެންޓުންގެ ގޮތުގައި މަސައްކަތް ކުރަމުން ދިޔަ ބިދޭސީ ދެ ފިރިހެނުން އޮކްޓޯބަރު މަހުގެ އޮޕަރޭޝަންތަކުގައި އަތުލައިގެންފައިވާ ކަމަށެވެ. އެއީ ހަށިވިއްކުމުގެ ވިޔަފާރި ފުޅާދާއިރާއެއްގައި ކުރަމުން ދިޔަ ބިދޭސީން ހޯދުމަށް އިމިގްރޭޝަނާ ގުޅިގެން ފުލުހުން އޮކްޓޯބަރު މަހު ކުރިއަށް ގެންދިޔަ ޚާއްޞަ އިންސްޕެކްޝަންތަކުގައި އަތުލައިގަން މީހުން ކަމަށް ފުލުހުން ބުންޏެވެ.
ރިއެކްޝަންސް
