ރާއްޖޭގެ ކްރިކެޓް ޓީމް ބޫޓާން މުބާރާތުގެ ފައިނަލަށް
ބޫޓާންގައި ކުރިއަށްދާ ޓީ20 ކްއަޑްރަންގިއުލާ ކްރިކެޓް މުބާރާތުގެ ފައިނަލުން ރާއްޖޭގެ ސީނިއަރ ކްރިކެޓް ޓީމް ޖާގަ ހޯދައިފި އެވެ. ރާއްޖޭގެ ޓީމް ފައިނަލުން ޖާގަ ހޮދީ ސެމީފައިނަލްގައި 7 ވިކެޓުން ބޫޓާން ބަލިކޮށްގެންނެވެ.
މެޗުގައި ފުރަތަމަ ކުޅެންއެރީ ބޫޓާނުންނެވެ. ކުޅެން އަރާ 20 އޯވަރުގެ ތެރޭގައި 8 ކުޅުންތެރިން ނުބައިވިއިރު ހެދުނީ 122 ލަނޑެވެ. ބޫޓާން ޓީމުން އެންމެ ގިނަ ލަނޑު ހެދީ 40 ލަނޑު ހެދި ރަންޖުންގ މިކްޔޯ ޑޯޖީ އެވެ.
ރާއްޖޭގެ ޓީމުން ވަނީ 18.1 އޯވަރުގެ ތެރޭގައި ތިން ކުޅުންތެރިން ނުބައިވިއިރު 123 ލަނޑު ހަމަކޮށް މެޗު ކާމިޔާބުކޮށްފައެވެ.
މުބާރާތުގެ ފައިނަލް މެޗު ކުޅޭނީ ހުކުރު ދުވަހު އެވެ. ވާދަކުރާނީ ރާއްޖެއާ ތައިލެންޑެވެ. ތައިލެންޑް ފައިނަލުން ޖާގަހޯދީ ސެމީފައިނަލްގައި 66 ލަނޑުން އިންޑޮނޭޝިޔާ ބަލިކޮށްގެންނެވެ.
ރިއެކްޝަންސް
