އަދާލަތު ޕާޓީއަށް ދެ ނައިބު ރައީސުން އައްޔަންކޮށްފި
އަދާލަތު ޕާޓީއަށް ދެ ނައުބުރައީސުން އައްޔަންކޮށްފިއެވެ. ރޭ ބޭއްވި އެޕާޓީގެ މަޝްވަރާ މަޖިލިހުން ނައިބު ރައީސްކަމަށް އައްޔަން ކުރެއްވީ އައްޝައިޚް ޢަބްދުالله ރަޝީދު އަދި އައްޝައިޚް މުޙައްމަދު ޝިފާން އެވެ. މީގެއިތުރުން އެޕާޓީގެ ޚަޒާންދާރުގެ މަގާމަށް އައްޝައިޚް ޙުސައިން އަންޞާރު ވަނީ ހަމަޖައްސަވާފައެވެ.
އަދާލަތު ޕާޓީން ދެ ނައިބު ރައީސުން އައްޔަން ކުރެއްވީ އެޕާޓީގެ ނައިބުރައީސުންގެ ގޮތުގައި ތިއްބެވި ދެބޭފުޅަކު އިސްތިއުފާ ދެއްވާފައި ވާތީއެވެ.
އަދާލަތު ޕާޓީގެ ނައިބުރައީސްކަމުން އިސްތިއުފާ ދެއްވީ އަހުމަދު ޝަރީފް އާއި ޑރ.ނައުޝާދު މުޙައްމަދެވެ. އެދެބޭފުޅުން އިސްތިއުފާ ދެއްކީ ކޮންއިރަކު ކަމެއް ސާފެއް ނޫނެވެ. އަދާލަތު ޕާޓީގެ ރައީސްއަކީ ކުރީގެ ހޯމް މިނިސްޓަރ އިބްރާން ޢަބްދުالله އެވެ.
ރިއެކްޝަންސް
