މަސްތުވާތަކެތި އެތެރެކުރި ކަމުގެ ކުށުގައި ޤާނާ މީހަކަށް 12 އަހަރުގެ ހުކުމަކާއެކު, އެއްލައްކަ ރުފިޔާގެ ޖޫރިމަނާއެއް
މަސްތުވާތަކެތި އެތެރެކުރި ކަމުގެ ކުށް ސާބިތުވެ ޤާނާ މީހަކަށް 12 އަހަރުގެ ޖަލު ހުކުމެއް އިއްވައިފި އެވެ. ކްރިމިނަލް ކޯޓުން އަންގާރަ ދުވަހު 12 އަހަރުގެ ޖަލު ހުކުމެއް އިއްވީ އައްޕިއަހް ޖޭމްސްގެ މައްޗަށެވެ.
އޭނާގެ މައްޗަށް ޖަލު ހުކުމެއް އިއްވީ މިއަހަރުގެ ޖޫން މަހުގެ 12 ވަނަ ދުވަހު ހެނދުނު ރާއްޖެއައި ޤަތަރު އެއަރވޭސްގެ ފްލައިޓަކުން 1461 ގްރާމް މަސްތުވާތަކެތި އެތެރެކުރި މައްސަލައިގައެވެ. އޭނާ އެތަކެތި އެތެރެކުރީ ދިރުވާލައިގެންނެވެ. އެއީ 108 ބްލެޓް ކަމަށް ކްރިމިނަލް ކޯޓްގެ ހުކުމުގައި ވެއެވެ. އޭނާ އަށް ކަސްޓަމްސްއިން ޝައްކުވެގެން ބަލާ ޗެކްކޮށް, ފުލުހުންގެ ބެލުމުގެ ދަށަށް ގެންދިޔަކަން ކްރިމިނަލް ކޯޓުގެ ހުކުމުން އިނގެއެވެ. އަދި އޭނާ އެތެރެކުރި ތަކެތި ފެނުނީ ފުލުހުންގެ ބަންދުގައި ހުއްޓާ އެކި ފަހަރު މަތީން ބޮޑުކަމު ދިއުމުގެ ތެރޭގައި އޭގެތެއިން ކަމަށް ހުކުމުގައި ވެއެވެ. އެއީ ކޮކޭން ކަމަށް ތަހުލީލުތަކުން ދައްކާ ކަމަށްވެސް ހުކުމުގައި ވެއެވެ.
އައްޕިއަހްގެ މައްޗަށް ކްރިމިނަލް ކޯޓުން ހުކުމް ކޮށްފައިވަނީ އޭނާގެ އިއުތިރާފްއާއެކު އެވެ. 12 އަހަރާއި ހަ މަހުގެ ހުކުމެއް އޭނާއަށް އިއްވީ ޕްރޮސެކިއުޓަރ ޖެނެރަލްގެ އޮފީހާ ދެމެދު ހެދި އިއުތިރާފް އެއްބަސްވުމެއްގެ ދަށުންކަން ކްރިމިނަލް ކޯޓްގެ ހުކުމުން އިނގެއެވެ. މީގެއިތުރުން 100,000 ރުފިޔާއިން ޖޫރިމަނާ ކުރުމަށްވެސް ހުކުމް ކުރިއެވެ.
އޭނާގެ މައްޗަށް ހުކުމް ކޮށްފައިވަނީ ބަންދުގައި ހުންނަތާ 4 މަހާއި 10 ދުވަސް ފަހުން ކަމަށްވާތީ ހުކުމުގެ މުއްދަތުން އެބައި އުނިވާނެއެވެ.
ރިއެކްޝަންސް
