ބްރޯޑްކޮމްގެ ސެކެޓްރީ ޖެނެރަލް އަކަށް ހައްޖު ކޯޕަރޭޝަންގެ ކުރީގެ އެމްޑީ ޔާމީން
ބްރޯޑްކާސްޓިންގ ކޯޕަރޭޝަންގެ ސެކެޓްރީ ޖެނެރަލްގެ މަގާމަށް ހައްޖު ކޯޕަރޭޝަންގެ ކުރީގެ މެނޭޖިންގ ޑިރެކްޓަރ ޔާމީން އިދުރީސް އައްޔަން ކުރައްވައިފިއެވެ. ޔާމީން އެމަގާމަށް އައްޔަންކުރެއްވީ ޢާއްމުކޮށް ހުޅުވާލުމުން ކުރިމަތިލެއްވި ބޭފުޅުންގެ ތެރެއިންނެވެ.
ޔާމީން އަކީ ހައްޖު ކޯޕަރޭޝަންގެ މެނޭޖިންގ ޑިރެކްޓަރުން އަދާކުރެއްވުމަށްފަހު ފަހުން އަމިއްލަ އުމްރާ ގްރޫޕެއް އުފައްދަވާ އެގްރޫޕްގެ މެނޭޖިންގ ޑިރެކްޓެރެވެ. އެމަގާމުން އޭނާ އިސްތިއުފާދެއްވިކަން ޔަގީނެއް ނޫނެވެ. މީގެއިތުރުން މިހާރު އުޅުއްވަނީ އަމިއްލަ ވިޔަފާރީގެ ތެރޭގައެވެ.
ބްރޮޑްކާސްޓިންގ ކޯޕަރޭޝަންގެ ސެކެޓްރީ ޖެނެރަލްގެ މަގާމް ހުސްވީ އެމަގާމްގައި ހުންނެވި މަރިޔަމް ޒީނިޔާ ވަކިކުރެއްވުމުންނެވެ. ކޮމިޝަންގެ މެމްބަރުންނާ އުފެދުނު ހިޔާލުތަފާތުވުންތަކާއެކު, ސަސްޕެންޝަންގައި ބެހެއްޓެވުމަށްފަހު އޭނާ މަގާމުން ވަކިކުރެއްވީ މެއި މަހުގެ 25 ވަނަ ދުވަހުއެވެ.
ރިއެކްޝަންސް
