ސިޔާސީ މުވައްޒަފުންގެ އަދަދާ މުސާރަ ހާމަކުރަން ގޮވާލާ ހުށަހެޅި ކުއްލި މައްސަލަ ބޭރުކޮށްލައިފި
ސިޔާސީ މުވައްޒަފުންގެ އަދަދާ މުސާރަ ހާމަކުރަން ގޮވާލާ ހުށަހެޅި ކުއްލި މައްސަލަ މަޖިލިހުން ބޭރުކޮށްލައިފި އެވެ.
ސިޔާސީ މުވައްޒަފުންގެ އަދަދާއި މުސާރައާއި މަސްއޫލިއްޔަތު ހާމަކުރުމަށް ގޮވާލާ ކުއްލި މައްސަލަ ހުށަހެޅުއްވީ ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމެވެ. އޭނާ ގޮވާލެއްވީ ސިޔާސީ މުވައްޒަފުންގެ މުސާރަތައް ކުޑަކުރަން ނިންމެވި މިދަނޑިވަޅުގައި ސިޔާސީ މުވައްޒަފުންގެ އަދަދާއި, މުސާރަ ހާމަކުރެއްވުމަށެވެ.
ކުއްލި މައްސަލަ ބަލައިގަންނަން ވޯޓް ދެއްވީ އެންމެ 8 މެމްބަރުންނެވެ. އެއީ ރައްޔިތުންގެ މަޖިލިހުގައި އެމްޑީޕީ މެމްބަރުން ތަމްސީލްކުރާ އަދަދެވެ. މައްސަލަ ބަލައިގަތުމާ ދެކޮޅަށް 59 މެމްބަރުން ވޯޓް ދެއްވިއެވެ.
ސަރުކާރުގެ ސިޔާސީ މުވައްޒަފުންގެ އަދަދު ސަރުކާރުން ހާމައެއް ނުކުރެއެވެ. ނަމަވެސް 700 އަށްވުރެ ސިޔާސީ މުވައްޒަފުންގެ އަދަދު އިތުރު ނުކުރުމަކީ ރައީސް ޑރ.މުހައްމަދު މުއިއްޒުގެ ރިޔާސީ ވައުދެކެވެ. ސިޔާސީ މުވައްޒަފުންގެ އަދަދު މަދުކުރައްވާނެކަން އިއުލާނުކުރައްވާ އެމަސައްކަތް ރައީސް މިހާރު ވަނީ ފައްޓަވާފައެވެ. އަދި ސިޔާސީ މުވައްޒަފުންގެ މުސާރައިން %10 އުނިކުރަންވެސް ރައީސް ވަނީ ނިންމަވާފައެވެ.
ރިއެކްޝަންސް
