ނުރައްކާތެރިކޮށް ލޯންޗް ދުއްވި ކެޕްޓަނުންގެ ލައިސަންސް ވަގުތީ ގޮތުން ހިފަހައްޓައިފި
ނުރައްކާތެރިކޮށް ލޯންޗް ދުއްވި ކެޕްޓަނުންގެ ލައިސަންސް ވަގުތީ ގޮތުން ހިފަހައްޓައިފި އެވެ.
އއ.ތޮއްޑުއަށް ދަތުރުކުރި ތިން ލޯންޗެއްގެ ކެޕްޓަނުން ތޮއްޑޫ ފަޅަށް ވަންނަން ދިޔައިރު ނުރައްކާތެރިކޮށް ދުއްވި މައްސަލައެއް ފުލުހުން ބަލަން ފެށީ ސޯޝަލް މީޑިޔާގައި އެވީޑިއޯ ދައުރުގެ ސަމާލުކަމަށް އައިސްގެންނެވެ. އެމައްސަލަ ބަލަމުންދާކަން ފުލުހުން ވަނީ ކުރިން ހާމަކޮށްފައެވެ.
މިއަދު ފުލުހުން ބުނީ ލޯންޗް ދުއްވި ތިން މީހުންގެ ލައިސަންސް ވެސް ވަގުތީ ގޮތުން ހިފަހައްޓާފައިވާ ކަމަށެވެ. ލައިސަންސް ހިފެހެއްޓީ މިމަހުގެ 5 ވަނަ ދުވަހު އެވެ. ފުލުހުން ބުނީ މައްސަލައާ ގުޅޭ ލިޔެކިޔުންތައް ޓްރާންސްޕޯރޓް އެންޑް ސިވިލްއޭވިއޭޝަން އަށް ފޮނުވުމުގެ މަސައްކަތް ކުރަމުންދާކަމަށެވެ.
މައްސަލައާ ގުޅިގެން އަޅާނެ ދާއިމީ ފިޔަވަޅެއް ނިންމާނީ ޓްރާންސްޕޯރޓް މިނިސްޓްރީން ކަމަށް ފުލުހުން ބުންޏެވެ. ސޯޝަލް މީޑިޔާގައު ދައުރުވަމުން ދިޔަ ވީޑިއޯއިން ފެންނަނީ ތިން ލޯންޗެއް ރޭސް ޖަހާ ގޮތަށް ތޮއްޑޫ ފަޅަށް ވަން މަންޒަރެވެ. އެތިން ލޯންޗަކީ ނަސްރު, ރަމްޒު އަދި ރިލްކްސް ގޯލްޑްއެވެ.
ރިއެކްޝަންސް
