ބިމެއް ގަންކަމަށް ކުރި ތުހުމަތު ދޮގުކޮށް, ޔާމީނަށް ފައިސަލް ރައްދު ދެއްވައިފި
ޓޫރިޒަމް މިނިސްޓަރ އިބްރާހީމް ފައިސަލް މާލެއިން ބިމެއް ގަން ކަމަށް ބުނެ, ކުރީގެ ރައީސް އަބްދުالله ޔާމީން ކުރެއްވި ތުހުމަތު ދޮގުކުރައްވާ, ރައްދު ދެއްވައިފިއެވެ.
ފައިސަލް މާލެއިން ބިމެއް ގަންކަމަށް އޮންލައިން ނޫހެއްގައި ޔާމީނާ ހަވާލާދެއްވާ ލިޔެފައިވާ ޚަބަރެއް ރިޓްވީޓްކުރައްވާ ފައިސަލް ވިދާޅުވީ އެއީ ކަނޑައެޅިގެން ރޯ ބުހުތާނު ދޮގު ކަމަށެވެ.
"އަޅުގަނޑު މާލެއިން ބިމެއް ގަތްކަމަށް ބުނެ ކުރީގެ ރައީސް ޔާމީން ދައްކަމުން ގެންދާ ވާހަކައަކީ ކަނޑައެޅިގެން ރޯ ބުހުތާނު ދޮގު ވާހަކައެކެވެ." ފައިސަލް ވިދާޅުވިއެވެ.
ފައިސަލް ވަނީ އެ ފަދަ ދޮގުވާހަކަތައް ދެއްކުން ހުއްޓާލެއްވުމަށާއި ރައްޔިތުންގެ މެދުގައި ފިތުނަ ފަސާދަ އުފައްދުމަށް މަސައްކަތް ނުކުރެއްވުމަށް ރައީސް ޔާމީނަށް ނަސޭހަތްތެރިވެފައެވެ. ޔާމީން ވިދާޅުވީ އަބްދުއްރަހީމްގެ ފައިސަލްވެސް މިހާރު މާލެއިން ބިން ގަނެއްފި ކަމަށެވެ. ރައީސް ޔާމީނާ އެންމެ ބޮޑަށް ގުޅުން ގޯސްވެފައިވަނީ ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުالله އާއެވެ. އެހޫނުގެ ތެރެއިން ފައިސަލްވެސް ގެންދަވަނީ ދޭތެރެ ދޭތެރެއިން ޔާމީނަށް ބަހުގެ ހަމަލާތައް ދެއްވަމުންނެވެ.
ޔާމީން ފައިސަލަށް ތުހުމަތު ކުރެއްވީ ޕީއެންއެފްއިން ބާއްވާ ސިލްސިލާ ޖަލްސާތަކުގެ ތެރެއިން ޖަލްސާއެއްގައެވެ.
ރިއެކްޝަންސް
