ޖަޕާންގެ އާބޮޑުވަޒީރަށް ރައީސުލްޖުމްހޫރިއްޔާ ތަހުނިޔާ ވިދާޅުވެއްޖެ
ޖަޕާންގެ އާ ބޮޑުވަޒީރު ޝިގަރޫ އިޝިބާ އަށް ރައީސުލްޖުމްހުރިއްޔާ ޑރ މުޙައްމަދު މުޢިއްޒު ތަހުނިޔާ ވިދާޅުވެއްޖެއެވެ.
ޖަޕާނުގެ ބޮޑުވަޒީރަށް ރައީސުލްޖުމްހޫރިއްޔާ ފޮނުއްވި ސިޓީއެއްގައި ވަނީ އާ ބޮޑުވަޒީރުގެ ލީޑަރޝިޕްގެ ދަށުން ޖަޕާނަށް އިތުރު ކުރިއެރުން ލިބޭނެކަމުގެ ޔަގީންކަން އޮތް ކަމަށް ވިދާޅުވެފައެވެ.
އަދި ރައީސް އިތުރަށް ވިދާޅުވީ ދިވެހިރާއްޖެއާއި ޖަޕާނާ ދެމެދު އޮތް ޒަމާންވީ ރަޙުމަތްތެރިކަމުގެ ގުޅުން އިތުރަށް ބަދަހިވެގެންދާނެ ކަމަށް ވިދާޅުވިއެވެ.
ރައީސުލްޖުމްހޫރިއްޔާގެ ސިޓީފުޅުގައި ދިވެހިރާއްޖޭގެ ތަރައްޤީއަށް ޖަޕާނުން އަބަދުވެސް މުހިންމު ހިއްސާއެއް ކޮށްފައިވާކަން ފާހަގަކުރެއްވިއެވެ.
ނިންމާލަމުން ރައީސް ބޮޑުވަޒީރު އިޝިބާއަށް ހެޔޮ އެދުންތައް ފާޅުކުރެއްވިއެވެ. އަދި ޖަޕާނުގެ ރައްޔިތުންގެ ކުރިއެރުމާރުމާއި ފާގަތިކަމަށް އެދިވަޑައިގަތެވެ.
ރިއެކްޝަންސް
