ޗައިނާ ދެ ފަތުރުވެރިއެއްގެ ދަބަސް ވަގަށް ނެގި މީހަކު ހައްޔަރުކޮށްފި
ޗައިނާ ދެ ފަތުރުވެރިއެއްގެ ދަބަސް ވަގަށް ނެގި މީހަކު ހައްޔަރުކޮށްފި އެވެ. މައްސަލައިގައި ހައްޔަރުކުރީ ގދ.ތިނަދޫ ރަންފަރު ޛަބީޙް މުޙައްމަދެވެ.
ފުލުހުން ބުނީ ޛަބީޙް ހައްޔަރުކުރީ މޭރީބްރައުންއާ ދިމާލުން ބޮޑުތަކުރުފާނު ބުރު މަތީގައި ޗައިނާގެ ދެ ފަތުރުވެރިއަކަށް ހަނދާން ނެތިގެން ބޭއްވުނު ދަބަހެއް ވަގަށް ނެގި މައްސަލައިގައި ކަމަށެވެ. އެމައްސަލަ ފުލުހުންނަށް ރިޕޯރޓް ކުރީ އިއްޔެ އިރުއޮއްސޭއިރު 7:12 ގައި ކަމަށް ފުލުހުން ބުންޏެވެ.
ފުލުހުން ބުނީ ގަލޮޅު ފޮލިހުން ކުރި މަސައްކަތުން ދަބަސް ފެނުނީ ރޭގެ ވަގުތެއްގައި ކަމަށާއި, 22:15 ގައި ވެރިފަރާތާ ދަބަސް ހަވާލުކުރި ކަމަށެވެ. ދަބަސް ފެނުނުއިރު އޭގައި ހުރި ބައެއް ސާމާނު ވަނީ ވިއްކާލާފައެވެ. ނަމަވެސް ފުލުހުން ބުނީ އެތަކެތިވެސް ހޯދާފައިވާ ކަމަށެވެ.
ދަބަހުގައި ލެޕްޓޮޕާއި, ޕަވަރބޭންކާއި, ހާޑް ޑްރައިވާއި, އެމީހުންގެ ޕާސްޕޯރޓްވެސް ހުރި ކަމަށް ފުލުހުން ބުންޏެވެ. ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ.
ރިއެކްޝަންސް
