ދެކުނުގެ އަތޮޅުތަކަށް ރީނދޫ ސަމާލު، ގަޑިއަކު 45 މޭލަށް ވައިދަވާނެ - މެޓް
ދެކުނުގެ އަތޮޅުތަކަށް މޫސުން ގޯސްވާނެތީ ރީނދޫ ސަމާލު ނެރެފި.
ކ.އަތޮޅުން ފެށިގެން އައްޑޫ ސިޓީއާ ދެމެދުގެ ރަށްތަކަށް މޫސުން ގޯސްވާނެކަމަށް ލަފާކޮށް ރީނދޫ ސަމާލު ނެރެފިއެވެ.
މެޓް އޮފީނުން ވިދާޅުވީ މިއަދު މެންދުރު 12:00 އިން ފެށިގެން ހަވީރު 17:00 އާ ދެމެދު ދެކުނުގެ އަތޮޅުތަކަށް ގުގުރުމާއެކު ބޯކޮށް ވާރޭ ވެހޭނެކަމަށް ލަފާކުރެވޭ ކަމަށެވެ.
އަދި ވިލާގަނޑުގައި ގާތްގަނޑަކަށް 45 މޭލުގެ ބާރުމިނުގައި ވައިޖެހޭނެކަމަށްވެސް މެޓް އޮފީހުން ވަނީ ލަފާ ކޮށްފައެވެ.
ބޯކޮށް ވާރެވެހޭނެ ކަމަށް ލަފާކުރެވޭތީ ރައްކާތެރިކަމުގެ ވިޔަވަޅު އެޅުމަށް ކަމާބެހޭ އިދާރާތަކުންވެސް ވަނީ އިލްތިމާސް ކުރައްވާފައެވެ.
ރިއެކްޝަންސް
