މޫސުން ވަރަށް ގޯސް, ސަމާލުވޭ!
ކުރިއަށް އޮތް ހަފްތާ މޫސުން ގޯސް
މޫސުން ވަރަށް ގޯސްވުމުން ސަމާލުވުމަށް މޫސުމާބެހޭ އިދާރާއިން އިލްތިމާސްކޮށްފިއެވެ.
ގައުމީ މޫސުމާބެހޭ އިދާރާއިން ވަނީ މުޅި ރާއްޖޭގެ މޫސުން ގޯސްވާނެ ކަމަށް ލަފާކޮށް ހުދު ސަމާލު ނެރެފައެވެ. ކުރިއަށް އޮތް 24 ގަޑިއިރު ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނެ ކަމަަށް މޫސުމާ ބެހޭ އިދާރާއިން ވަނީ އަންދާޒާ ކޮށްފައެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށްވެސް ވަނީ ލަފާކޮށްފައެވެ. މިދިޔަ 24 ގަޑިއިރުވެސް ރާއްޖޭގެ ބޮޑު ބަޔަކަށް ވަނީ ވިއްސާރަކޮށްފައެވެ. އަދި މިހާރުވެސް ދަނީ ވިއްސާރަ ކުރަމުންނެވެ.
ކުރިއަށް އޮތް ތިން ދުވަހު މާލެއަށް މަސް ދުވަހުގެ ވާރޭ ވެހުން އެކަށީގެންވާ ކަމަށް އަލްޖަޒީރާގެ އިންޓަރނޭޝަނަލް ވެދާ ރިޕޯރޓްގައި ވަނީ ބުނެފައެވެ. ރާއްޖޭގެ މޫސުމާބެހޭ އިދާރާއިން ލަފާކޮށްފައި ވަނީ މިހަފްތާ އެއްކޮށްވެސް މޫސުން ގޯސްވާނެ ކަމަށެވެ. މޫސުމަށް ސަމާލުވުމަށް އެންޑީއެމްއާ ފުލުހުންވެސް ވަނީ ދުރާލާ އިލްތިމާސްކޮށްފައެވެ.
ރިއެކްޝަންސް
