ކޮންމެ ބޭފުޅަކު ވެރިކަން ކުރިއަސް ރައްޔިތުންނަށް ބޭ އިންސާފު ވާނަމަ އެކަން ބެލޭނެ ނިޒާމެއް އޮންނަންޖެހޭ: މެންބަރު އިއްބެ

ކޮންމެ މީހަކު ވެރިކަން ކުރިއަސް ރައްޔިތުންނަށް ބޭނުން އިންސާފު ވާނަމަ އެކަން ބެލޭނެ ނިޒާމެއް އޮންނަންޖެހޭ ކަމަށް ފުވައްމުލަކު ދެކުނު ދާއިރާގެ މެންބަރު އިބްރާހީމް ހުސައިން ވިދާޅުވެއްޖެއެވެ.

އޭނާ މިހެން ވިދާޅުވީ ސަރުކާރުގެ ފަރާތުން ފުނަދޫދާއިރާގެ މެންބަރު މުޙައްމަދު މަޙްމޫދު ހުށަހަޅުއްވާފައިވާ ދައުލަތުގެ ދަރަންޏާ ބެހޭ ބިލުގެ ބަހުސްގައި ވާހަކަ ދައްކަވަމުންނެވެ.

ފުވައްމުލަކު ދެކުނު ދާއިރާގެ ޕީ.އެން.ސީގެ މަޖިލިސް މެންބަރު އިބްރާހީމް ހުސައިން ވިދާޅުވީ ކޮންމެ ސަރުކާރަކުންވެސް ވެރިކަމާ ހަވާލުވެ ޒިންމާދާރު ކަމެއްނެތި ރައްޔިތުންގެ ބޮލުގައި ބިލިއަނުން ދަރަނި އަޅުވަމުންދާ ދިއުން ނިމުކަމަށް ގެންނަންޖެހޭ ކަމަށެވެ.

އަދި ވެރިން ޒިންމާދާރު ކުރެވޭނެ ހަރުދަނާ ނިޒާމެއް ގާއިމްވެފައި އޮންނަން ޖެހޭ ކަމަށާއި މިފަދަ ބިލްތައް ސަރުކާރުން ފޮނުވުމަކީ ސަރުކާރުގެ ނިޔަތް ރަނގަޅުކަން ދައްކައިދޭ ކަމެއް ކަމަށެވެ.

އިބްރާހީމް ހުސައިން ވިދާޅުވީ ދެފުށް ފެންނަ ގޮތަކަށް ސަރުކާރަކުން ވެރިކަން ކޮށްދޭތަން ފެންނާނެ ފުރަތަމަ ސަރުކާރަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މިއަދުގެ ސަރުކާރު ކަމަށެވެ.

މެންބަރު ވަނީ ކުރީގެ ސަރުކާރުން ދައުލަތުގެ މާލިއްޔަތުގެ ގާނޫނުގެ ބޭނުން ނަހަމަ ގޮތުގައި ހިފައި ރައްޔިތުންގެ ފައިސާއަށް އެއްވެސް ޒިންމާދާރުކަމެއްނެތި ކޮށްފައިވާ ބޭކާރު ޚަރަދުތައް ކުށްވެރިކުރައްވައި ވާހަކަ ދައްކަވާފައެވެ.

އަދި މެންބަރު ވަނީ މިއަދުގެ ސަރުކާރުން ގާނޫނަށް އިސްލާހުގެނެސް ރައްޔިތުންގެ ލާބައާއި މަންފާއަށްޓަކައި ކުރަމުން އަންނަ މަސައްކަތް ފާހަގަ ކުރައްވާފައެވެ.