މާވަށުގައި މީހަކު މަރާލި މައްސަލައިގައި ދައުވާކުރަން ފޮނުވައިފި
ލ.މާވަށު ނަލަހިޔާ, މޫސާ އިބްރާހީމް މަރާލި މައްސަލައިގެ ތުހުމަތުކުރެވޭ މީހާއަށް ދައުވާކުރަން ފޮނުވައިފިއެވެ. އެމައްސަލާގައި ދައުވާކުރަން ފުލުހުން ޕްރޮސެކިއުޓަރ ޖެނެރަލްއަށް ފޮނުވީ ހދ. ނޮޅިވަރަންފަރު / އަސަރީމަންޒިލް، މުހައްމަދު އިބްރާހިމް (29އ) ގެ މައްޗަށެވެ. ޕީޖީން ވަނީ އެމައްސަލަ ބަލައިވެސް ގަންފައެވެ.
މިމައްސަލާގައި ދައުވާކުރަންނ ފޮނުވީ މިދިޔަ އަންގާރަ ދުވަހުއެވެ. މޫސާ އިބްރާހީމް މަރާލީ ތޫނު އެއްޗަކުން ހަމަލާދީއެވެ. ތުހުމަތުކުރެވޭ މުޙައްމަދު އިބްރާހީމް ހައްޔަރުކޮށްފައިވަނީ ޖުލައި 28 ވަނަ ދުވަހުއެވެ. އަދި އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޝަރީއަތް ނިމެންދެން ބަންދުކޮށްފައި ބެހެއްޓުމަށް ވަނީ އަމުރުކޮށްފައެއެވެ.
މިމައްސަލަ ފުލުހުންނަށް ރިޕޯޓުކޮށްފައި ވަނީ މިއަހަރުގެ ޖުލައި 28 ވަނަ ދުވަހުގެ 10:12 އެހައިކަންހާއިރުއެވެ. މި މާރާމާރީގައި އަނިޔާވި މޫސާ އިބްރާހީމް ހޮސްޕިޓަލަށް ގެންދިޔައިރު ވެސް ނިޔާވެފައިވާ ކަމަށް ހޮސްޕިޓަލުން ވަނީ ބުނެފައެވެ.
ރިއެކްޝަންސް
