ސިނަމާލެ ބުރިޖުގައި މަސައްކަތް ކުރަމުން ދިޔަ އިންޑިޔާ މީހަކު މަރުވެއްޖެ
އަނބުރައިގަތުމުން އެމީހާ މަރުވީ ޓްރީޓޮޕް ހޮސްޕިޓަލަށް ގެންގޮސް ފަރުވާ ދެމުން ދަނިކޮށް
ސިނަމާލޭ ބުރިޖުގައި މަސައްކަތް ކުރަމުން ދިޔަ އިންޑިއާ މީހަކު މަރުވެއްޖެ އެވެ.
ބުރިޖުގެ މަރާމާތު މަސައްކަތުގައި އުޅުނު އެމީހާ، މަސައްކަތުގައި ހުއްޓާ އަނބުރައިގަނެގެން ވެއްޓުމުން، ފަރުވާ ހޯދުމަށް ޓްރީޓޮޕް ހޮސްޕިޓަލަށް ގެންދިޔަ އިރު ވެސް މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ބުނެފައިވެ އެވެ.
ފުލުހުން ބުނީ، މަރުވެފައި ވަނީ ފިރިހެނެއް ކަމަށާއި އެއީ އިންޑިއާ މީހެއްކަމަށެވެ.
މިދުވަސްވަރަކީ އާދަޔާ ޚިލާފަށް ހޫނު ދުވަސްކޮޅެއް ކަމުން ގިނަގިނައިން ފެންފަދަ ދިޔާތަކެތި ގިނައިން ބުއިމަށް ޞިްއްޙީ މާހިރުން އިރުޝާދު ދެއްވައެވެ.
ރިއެކްޝަންސް
