ގަވާއިދާ ޚިލާފަށް އުޅުނު ދެ ބިދޭސީން މާލޭގެ މާރުކޭޓުތަކުން ހައްޔަރުކޮށްފި
ގަވާއިދާ ޚިލާފަށް މަސައްކަތްކުރަމުންދިޔަ ދެ ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ. އެދެމީހުން މޯލްޑިވްސް އިމިގްރޭޝަންގެ ބެލުމުގެ ދަށަށް ގެންދިޔައީ މޯލްޑިވްސް މާލޭގައި ހިންގި ރެއިޑް އޮޕަރޭޝަނެއްގައެވެ.
މި އޮޕަރޭޝަނުގައި މާލޭގެ ކުދި ފަސް މާރުކޭޓެއް ބަލައި ފާސްކުރި ކަމަށް އިމިގްރޭޝަނުން ބުންޏެވެ. މިއީ ގަވާއިދާ ޚިލާފަށް ވިޔަފާރިކުރާ ބިދޭސީން ހޯދުމަށް ކުރިއަށްގެންދާ ރެއިޑް އޮޕަރޭޝަންތަކުގެ ތެރެއިން ހިންގި އޮޕަރޭޝަނެކެވެ.
ދާޚިލީ ވުޒާރާ، އިމިގްރޭޝަން އަދި ފުލުހުން ގުޅިގެން ގަވާއިދާ ޚިލާފު ބިދޭސީން ދެނެގަތުމުގެ މަސައްކަތް ދަނީ ކުރަމުންނެވެ. މިހާތަނަށް 6,000 އަށްވުރެ ގިނަ ބިދޭސީން ވަނީ ޑީޕޯޓުކޮށްފައެވެ.
އިމިގްރޭޝަން އިސްވެ, ބިދޭސީން ދިރިއުޅޭ ގެތައް ބަލައި ފާސްކުރުމުގެ ޚާއްޞަ އޮޕަރޭޝަނެއް ވަނީ ފަށާފައެވެ. އަދި "އިމިގްރޭޝަން ވޮޗް" ގެ ނަމުގައި އޮންލައިން ޕްލެޓްފޯމެއް ޤާއިމްކޮށް، މިހާތަނަށް 1,297 މައްސަލަ ބަލާފައިވާކަން އެއިދާރާއިން ވަނީ ހާމަކޮށްފައެވެ.
ސަރުކާރުން މި މައްސަލައަށް ދާއިމީ ހައްލެއް ހޯދުމަށް "އޮޕަރޭޝަން ކުރަނގި" ގެ ނަމުގައި ވެސް ޕްރޮގްރާމެއް ހިންގަމުންދެއެވެ. ހޯމް މިނިސްޓްރީން ވިދާޅުވީ މިހާތަނަށް 43,294 ބިދޭސީންގެ ބަޔޯމެޓްރިކް ޑޭޓާ ނަގާފައިވާ ކަމަށެވެ.
ދާޚިލީ ވަޒީރު ވިދާޅުވެފައިވަނީ މި މަސައްކަތް 2027 ވަނަ އަހަރުގެ އޭޕްރީލް މަހަށް ނިންމާލެވޭނެ ކަމަށެވެ.
ރިއެކްޝަންސް
