އިންޑިއާގެ ބޮޑުވަޒީރު މޯދީ ރައްޔިތުންގެ މަޖިލީހުގެ ރައީސްއާ ބައްދަލުކުރައްވައިފި
އިންޑިއާގެ ބޮޑުވަޒީރު ޝްރީ ނަރެންދުރަ މޯދީ ދިވެހިރާއްޖޭގެ ރައްޔިތުންގެ މަޖިލީހުގެ ރައީސް އަބްދުއްރަހީމް ޢަބްދުالله އާ ބައްދަލު ކުރައްވައިފިއެވެ.
މިއީ ދިވެހިރާއްޖޭގެ 60 ވަނަ މިނިވަންދުވަހުގެ ޝަރަފުވެރި މެހެމާނެއްގެ ގޮތުގައި ދެ ދުވަހުގެ ފުރަމާނަ ދަތުރުފުޅެއްގައި އުޅުއްވާ މޯދީ ރާއްޖޭގެ ސިޔާސީ އިސްފަރާތްތަކާ ދައުލަތުގެ އިސްވެރިންނާ އެކު ބާއްވަވާ ބައްދަލުވުމުގެ ތެރެއިން ބޭއްވެވި ބައްދަލުވުމެކެވެ.
ބައްދަލުވުމަށްފަހު މޯދީ ވަނީ 20 ވަނަ މަޖިލީހުގައި އިންޑިއާ-މޯލްޑިވްސް ޕާލިއަމެންޓަރީ ފްރެންޑްޝިޕް ގްރޫޕް އުފެދިފައި އޮތުމަކީ ދެޤައުމުގެ ގުޅުމަށް އެޅުނު ރަނގަޅު ފިޔަވަޅެއްގެ ގޮތުގައި ސިފަކުރައްވާފައެވެެ.
ޤާބިލްކަން އިތުރުކުރުމަށް އިންޑިއާއިން އެހީތެރިކަން ފޯރުކޮށްދިނުމާ ގުޅޭގޮތުން ދެބޭފުޅުން މަޝްވަރާކުރައްވައި މޯދީ ވަނީ އެކަމުގައި އިންޑިއާ އަބަދުވެސް ދެމިއޮންނާނެ ކަމުގެ ޔަޤީންކަން އަރުވާފައެވެ. މީގެ އިތުރުން ދެގައުމުގެ ދެމެދުގައި އުފެދިފައިވާ ފުން އެކުވެރިކަމާ ގުޅެގޮތުންވެސް ވަނީ މަޝްވަރާ ކުރެވިފައެވެ.
ރިއެކްޝަންސް
