ފޮރިން މިނިސްޓަރު ހަލީލް އިންޑިއާގެ ބޮޑުވަޒީރު މޯދީގެ އަރިހަށް އިޙްތިރާމްގެ ޒިޔާރަތެއް ކުރައްވައިފި
ފޮރިން މިނިސްޓަރު ޑރ. ޢަބްދުﷲ ހަލީލް އިންޑިއާގެ ބޮޑުވަޒީރު ޝްރީ ނަރެންދުރަ މޯދީގެ އަރިހަށް އިޙްތިރާމްގެ ޒިޔާރަތެއް ކުރައްވައިފިއެވެ.
މިއީ މޯދީ ދިވެހިރާއްޖެ އަށް ކުރައްވަމުން ގެންދަވާ ފުރަމާނަ ދަތުރުފުޅުގެ ތެރެއިން ހަމަޖެހިގެންދިޔަ ޒިޔާރަތެކެވެ.
ބޮޑު ވަޒީރު މޯދީއަށް މަރުހަބާ ދަަންނަވައި، މިނިސްޓަރ ހަލީލް އާ ދެބޭފުޅުން ވަނީ ދެގައުމުގެ ދެމެދުގައި ހިންގަމުންދާ ޒަމާންވީ ގުޅުމާ ގުޅޭގޮތުން މަޝްވަރާކުރައްވާފައެވެ.
ބޮޑުވަޒީރު މޯދީގެ ފަރާތުން ވަނީ އިންޑިއާއިން އަބަދުވެސް އެކި ދާއިރާއިން ދެގައުމުގެ ގުޅުން ހަރުދަނާކުރުމަށް އެއްބާރުކުން ދެއްވާނެކަމުގެ ޔަޤީންކަން އަރުވާފައެވެ.
އަދި ޒިޔާރަތް ނިންމަވާލެއްވުމުގެ ގޮތުން ދެޤައުމުގެ ފަރާތުންވެސް ގުޅުންހުރި ދާއިރާތަކުގައި އެކުގައި މަސައްކަތްކުރުމުގައި ދެމިތިބޭނަކަން ވަނީ ކަށަވަރުކޮށްދެއްވާފައެވެ.
ރިއެކްޝަންސް
