އާ ޓާމިނަލް ހުޅުވަން ކުރަންޖެހޭ ޓެސްޓް މަރުހަލާ ނިމިއްޖެ, ކާމިޔާބު
އާ ޓާމިނަލް ހުޅުވަން ކުރަންޖެހޭ ޓެސްޓް މަރުހަލާ ކާމިޔާބުކަމާއެކު ފުރިހަމަކޮށްފިއެވެ. މޯލްޑިވްސް އެއަޕޯރޓްސް ކޮމްޕެނީގެ މެނޭޖިންގ ޑިރެކްޓަރ އިބްރާހީމް ޝަރީފްއާއި ޚިދުމަތް ދިނުމުގައި ގުޅިފައިވާ ކުންފުނިތައް ގުޅިގެން ޓެސްޓް މަރުހަލާ ވަނީ ނިންމާލާފައެވެ.
އައިލެންޑް އޭވިއޭޝަންގެ ސިސްޓަމްއާއި, ސެކިއުރިޓީ ޕްރޮސީޖަރއާއެކު ސެކިއުރިޓީ ސިސްޓަމްއާއި އެނޫންވެސް ސިސްޓަމްތައް ޗެކްކޮށް, އެކަން ކާމިޔާބުކަމުގެ ޔަގީންކަން އެމްއޭސީއެލްސިން ވަނީ ދީފައެވެ.
މެނޭޖިންގ ޑިރެކްޓަރ އިބްރާހީމް ޝަރީފް ވިދާޅުވީ މިއަދަކީ ވަރަށް, ވަރަށް އުފާވެރި ދުވަހެއް ކަމަށެވެ. އެމްޑީ އިބްރާހީމް ޝަރީފް ވަނީ އެއަރލައިން ސިސްޓަމްތަކާއި, ހުރިހާ ސިސްޓަމްތައް ހިމެނޭ ގޮތަށް ޗެކިންގ މަރުހަލާ ނިންމާފައެވެ. އައިލެންޑްއޭވިއޭޝަން ސިސްޓަމާ އިންޓަރގްރޭޓްކޮށް ޚިދުމަތަށް ތައްޔާރުކަމުގެ ޔަގީންކަން އެމްޑީ ދެއްވިއެވެ.
އެމްއޭސިލްއެލް އިން ގުޅިފައިވާ ކުންފުނިތަކާއެކު ކުރިއަށްގެންދިޔަ ޓްރަޔަލްގައި ޗެކިންގ މަރުހަލާއިން ފެށިގެން ބޯޑިންގ ކާޑް ލިބުމާ ހަމައަށް އަމަލީގޮތުން ޚިދުމަތްތަކުގެ ފެންވަރު ޔަގީންކުރިއެވެ. އާޓާމިނަލްގެ އިންފޮރމޭޝަން ޓެކްނޮލިޖޯއާ ގުޅޭ ކަންކަންވެސް ވަނީ ކަށަވަރުކޮށްފައެވެ.
އާޓާމިނަލް ހުޅުވަނީ މިމަހުގެ 26 ވަނަ ދުވަހުއެވެ. ފުރަތަމަ ޚިދުމަތް ދޭނީ މޯލްޑިވިއަންގެ ފްލައިޓްތަކަށެވެ.
ރިއެކްޝަންސް
