ގުޅިފަޅުން ގޯތި ލިބުނު ފަރާތްތަކަށް އާ ރަޖިސްޓްރީ ހަވާލުކުރަނީ
ގުޅިފަޅުން ގޯތި ލިބުނު ފަރާތްތަކަށް އާ ރަޖިސްޓްރީ ހަވާލުކުރަން ތައްޔާރުވެއްޖެއެވެ. ރަޖިސްޓްރީ ހަވާލުކުރަނީ މިއަދުން ފެށިގެން ހިޔާވަހި ޕޯޓަލް މެދުވެރިކޮށް އެޕޮއިންޓްމަންޓް ހައްދައިގެންނެވެ. ރަޖިސްޓްރީގެ އިތުރުން ގޯތީގެ އެއްބަސްވުންވެސް ހޯދުމަށްވެސް ޕޯޓަލް މެދުވެރިކޮށް އެޕޮއިންޓްމަންޓް ހަދަން މިނިސްޓްރީން ވަނީ ޢާއްމު އިއުލާނުކޮށްފައެވެ.
ކުރިން ދޫކުރި ރަޖިސްޓްރީ ބާތިލްކޮށް, އާ ރަޖިސްޓްރީ ދޫކުރަނީ ލޭންޑް ޔޫޒް ޕްލޭނަށް ބަދަލު ގެނައުމާއެކު ގޯތީގެ ލޮކޭޝަން ބަދަލުވުމުންނެވެ. އާ ލޭންޑްޔޫޒް ޕްލޭނާއެކު ގޯތި ލިބޭ ތަންތަން ކަނޑައަޅަން މެއި މަހުގެ 30 ވަނަ ދުވަހު ވަނީ ގުރުއަތު ނަގާފައެވެ.
ގެދޮރުވެރިކަމާބެހޭ ވުޒާރާއިން ވިދާޅުވީ ކޮންމެ ގަޑިއަކުވެސް އެޕޮއިންޓްމަންޓްއަށް އެދި ހުށަހެޅުމުގެ ފުރުޞަތު ލިބޭނީ ކަނޑައެޅިފައިވާ ވަކި އަދަދެއްގެ ފަރާތްތަކަށް ކަމަށެވެ. ރަޖިސްޓްރީއާ އެއްބަސްވުން ދޫކުރަން ފަށަނީ ޖުލައި 7 ވަނަ ދުވަހުއެވެ.
ރިއެކްޝަންސް
