އަލިފާން ރޯވި ވިނަރެސް ފްލެޓްގެ މީހުންނަށް ވަގުތީ ބޯހިޔާވަހިކަން ދީފި
އަލިފާން ރޯވި ވިނަރެސް ފްލެޓްގެ މީހުންނަށް ވަގުތީ ބޯހިޔާވަހިކަން ދީފިއެވެ. ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ އިން ވިދާޅުވީ ރޯވި ވިނަރެސް ފްލެޓް ހުރީ ދިރިނޫޅެވޭވަރު ވެފައި ކަމަށެވެ.
އެއެޕާރޓްމަންޓްގައި ދިރިއުޅުނު 4 މީހަކަށް 5 ދުވަހުގެ މުއްދަތަށް ބޯހިޔާވަހިކަން ހަމަޖައްސައިދީފައިވާ ކަމަށް އެންޑީއެމްއޭ އިން ވިދާޅުވިއެވެ. އެއީ ކެއުންވެސް ހިމެނޭ ގޮތަށެވެ. އަދި ދެމީހަކަށް އަންނައުނުވެސް ފޯރުކޮށްދީފައިވާ ކަމަށް ވިދާޅުވިއެވެ.
އަލިފާން ރޯވީ ހުޅުމާލޭ ވިނަރެސް ފްލެޓް 9B-13-06 އެޕާޓްމަންޓްގެވެ. އަލިފާން ނިއްވާލީ މިއަދު ހެނދުނު އެމްއެންޑީއެފްގެ ފަޔަރ އެންޑް ރެސްކިއުގެ ޓީމުން އެއެޕާރޓްމަންޓަށް ގޮހެވެ. މިހާދިސާގައި މީހަކަށް ގެއްލުމެއް ނުލިބެއެވެ.
ރިއެކްޝަންސް
