ޙައްޖާއި ޢުމްރާގެ މަޢުލޫމާތު ފޯރުކޮށްދޭ ޚާއްޞަ އެޕެއް ތަޢާރްފްކޮށްފި
ޙައްޖާއި ޢުމްރާގެ މަޢުލޫމާތު ފޯރުކޮށްދޭ ޚާއްޞަ އެޕެއް ތަޢާރްފްކޮށްފިއެވެ. ޙާޖީ އެމްވީގެ ނަމުގައި އިސްލާމިކް މިނިސްޓްރީން ތަޢާރަފްކުރި މި އެޕްލޮކޭޝަންއަކީ ޙައްޖާއި ޢުމްރާގެ މައުލޫމާތު ފޯރުކޮށްދިނުމަށް ތަޢާރަފްކުރި އެޕެކެވެ.
ހާޖީ އެމްވީ އެޕަކީ ފަސޭހައިން ޙައްޖާއި ޢުމްރާއާ ބެހޭ މަޢުލޫމާތު ލިބިގަތުމަށް އެކުލަވާލާފައިވާ އެޕެެއް ކަމަށް މިނިސްޓްރީން ވިދާޅުވިއެވެ. މީގެ އިތުރުން ޒިކުރުކުރުމާއި ޠަވާފާއި ސަޢުޔުގެ އަދަދު ކަށަވަރު ކުރާނެގޮތާއި ޤުރުއާނާއި ސުންނަތުން ސާބިތުވާ ދުޢާތަކާއި ޙައްޖާއި ޢުމްރާއާ ގުޅޭ މައުލޫމާތު ހިމެނޭ ވީޑިއޯ މިއެޕްގައި ހިމެނެއެވެ. މީގެއިތުރުން މައްކާއާއި މަދީނާގެ އިސްލާމީ ތާރީޚާ ބެހޭ ވީޑިއޯ ވެސް މިއެޕްގައި ހިމެނެއެވެ.
"މިއީ އެޕްގެ ފުރަތަމަ ވާރޝަންއެވެ. މި އެޕް އިތުރަށް ތަރައްޤީކުރެވިގެން ދާނެއެވެ. އަމާޒަކީ ޙައްޖާއި ޢުމްރާގެ އަޅުކަން އަދާކުރުމަށް ފަސޭހަކުރުމެވެ." މިނިސްޓަރ ޝަހީމް ވިދާޅުވިއެވެ.
މި އެޕްގައި ހިމެނޭ އެންމެހައި މައުލޫމާތަކީ އިސްލާމީ ކަންތައްތަކާ ބެހޭ ވުޒާރާއިން ފާސްކޮށްފައިވާ މައުލޫމާތުކަމަށް އެމިނިސްޓްރީން ވިދާޅުވިއެވެ. މި އެޕްގެ ސަބަބުން ދުއާފޮތްތަކާއި ހައްޖާއި އުމްރާއާއި ބެހޭ ފޮތްތަކާ ނުލައި، ފޯން އެކަނި މިދާއިރާއާ ގުޅޭ މައުލޫމާތު ޙާޞިލްކުރެވޭނެކަން މިނިސްޓްރީން ފާހަގަކުރެެއްވިއެވެ.
ރިއެކްޝަންސް
