ބްރެޒިލްގެ ބޮޓަފޯގާ އިން ޔޫރަޕްގެ ޗެމްޕިއަން ފީއެސްޖީ ބަލިކޮށް ގްރޫޕް ބީގެ އެއްވަނައަށް
ފީފާ ކްލަބް ވޯލްޑްކަޕް ގައި މިއަދު ހެނދުނު ބްރެޒިލްގެ ބޮޓަފޯގާ އެފްއާރުން ޔޫރަޕްގެ ޗެމްޕިއަން، ފްރާންސްގެ ޕެރިސް ސެއިންޓް ޖެމައިން (ޕީއެސްޖީ) ބަލިކޮށް ގްރޫޕް-ބީގެ އެއްވަނައަށް ޖެހިލައިފިއެވެ.
1-0 މިއަދު ޕީއެސްޖީ ބަލިކޮށް ބޮޓަފޯގާ ގްރޫޕްގެ އެއްވަނަގައި އޮތީ ކުޅުނު ދެމެޗުންވެސް މޮޅުވެ ހަ ޕޮއިންޓާއެކުއެވެ.
މެޗުގެ ހަމައެކަނި ގޯލް 36 ވަނަ މިނިޓްގައި ކާމިޔާބުކުރީ ބޮޓަފޯގާގެ އިގޯ ޖީސަސްއެވެ.
ޕީއެސްޖީން ނަތީޖާ ބަދަލުކުރަން ދެވަނަ ހާފު ފެށިގެން މާގިނައިރުތަކެއް ނުވަނީސް ވަނީ ގާތްގާތުގައި ހަތަރު ބަދަލެއް ގެނެސްފައެވެ. ނަމަވެސް މެޗު ނިމުނީ ޕއެސްޖީއަށް ނާކާމިޔާބުވެގެންނެވެ.
އަންނަ އަންގާރަ ދުވަހު ޕީއެސްޖީ ވާދަކުރާނީ ޕޮއިންޓެއް ނުލިބި ގްރޫޕްގެ ފުލުގައި އޮތް އެމެރިކާގެ ސިއޭޓްލް އެފް ސީ އާއެވެ.
ރިއެކްޝަންސް
