ކެވިން ޑީ ބްރޭނާ އިޓަލީގެޗެމްޕިއަން ނަޕޯލީއަށް
ސީޒަން ނިމެނިކޮށް, މެންޗެސްޓަރ ސިޓީ ދޫކޮށްލި ބެލްޖިއަމްގެ މިޑްފީލްޑަރު ކެވިން ޑީ ބްރޭނާ އިޓަލީގެ ނަޕޯލީއަށް ސޮއިކޮށްފިއެވެ.
ފާއިތުވި ސީޒަންގައި އިޓަލީ ލީގު ކާމިޔާބުކުރި ނަޕޯލީގެ ކޯޗަކީ ޗެލްސީ އަދި ޓޮޓެންހަމްއަށްވެސް ކުރިން ކޯޗުކޮށްދީފައިވާ އެޓޯނިއޯ ކޮންޓޭއެވެ.
ނަޕޯލީއަށް ހިލޭ ޓްރާނސްފަރ އެއްގައި ޑީބްރޭނާ ބަދަލުވީ އެމެރިކާ ލީގުގެ ޝިކާގޯ ފަޔާއަށް ނޫނެކޭ ބުނުމަށްފަހުއެވެ. މާނައަކީ ކުރިއަށް އޮތް ސީޒަންގެ ޗެމްޕިއަންސް ލީގުން ޑީ ބްރޭނާ ފެންނާނެއެވެ.
ނަޕޯލީން 33 އަހަރުގެ ޑީ ބްރޭނާ އެ ކްލަބަށް ސޮއިކުރިކަން އިއުލާން ކުރީ ތަޙްތެއްގައި ބޮލުގައި ތާޖު އަޅައިގެން އިން ފޮޓޯއަކާއެކު "ކިންގް ކެވް އިސް ހިއަރ " ޖަހާފައި އިން ކޮމްޕިއުޓަރުން ހަދާފައިވާ ޑީބްރޭނާގެ ފޮޓޯއަކާއެކުއެވެ.
ޑީ ބްރޭނާ މެންޗެސްޓަރ ސިޓީއާ އަލަވަދާއު ކީ އެ ކްލަބުގައި 10 އަހަރު ހޭދަކުރުމަށްފަހުއެވެ. 2015 ގައި ވްލްފްސްބާގް އިން ސިޓީއަށް ބަދަލުވި ޑީ ބްރޭނާ ސިޓީއާއެކު 19 ތަށި ހާސިލްކޮށްފައި ވެއެވެ.
ރިއެކްޝަންސް
