ދިވެހީންގެ އުފެއްދުންތެރިކަމުގެ މައުރަޒު 2025 ރައީސުލްޖުމްހޫރިއްޔާގެ ދެކަނބަލުން ހުޅުވައިދެއްވައިފި
ހުޅުމާލޭ ސެންޓްރަލް ޕާކުގައި ދިވެހީންގެ އުފެއްދުންތެރިކަމުގެ މައުރަޒު 2025 ރައީސުލްޖުމްހޫރިއްޔާގެ ދެކަނބަލުން ރަސްމީކޮށް ހުޅުވައުދެއްވައިފިއެވެ.
9 ދުވަހުގެ މުއްދަތަށް ކުރިއަށްދާ މި މައުރަޒުގައި 14 ކެޓެގަރީއަކުންނާއި 82 ސަބް ގިންތިއަކުން ޖުމްލަ 383 ފަރާތަކުން ބައިވެރިވެފައިވެއެވެ. އެންމެ ގިނައިން ތަކެތި ބައިވެރިކޮށްފައިވަނީ އަތްތެރި މަސައްކަތުގެ ދާއިރާއިންނެވެ.
މައުރަޒުގައި އުފެއްދުންތެރި އިޤްތިޞާދީ، ޑިޖިޓަލް އަދި އީޖާދީ، މުނިފޫހިފިލުވުމުގެ އަދި ބާޒާރު ޑިސްޓްރިކްޓްގެ ނަމުގައި ޚާއްސަ ސަރަޙައްދުތަކެއް ވަނީ ކަނޑައަޅާފައެވެ. ރައީސްގެ ދެކަނބަލުން ވަނީ މި ހުރިހާ ޑިސްޓްރިކްޓަކަށްވެސް ޒިޔާރަތްކުރައްވާފައެވެ.
މި މަހުގެ 31 ގެ ނިޔަލަށް ކުރިއަށްދާ މި މައުރަޒު ކޮންމެ ދުވަހަކު ހަވީރު 4 އިން ރޭގަނޑު 11 އަށް އާންމުންނަށް ހުޅުވިފައި ހުންނާނެއެވެ. މި މައުރަޒުން ދިވެހި ފަންނުވެރިންގެ އުފެއްދުންތައް އެއްތަނަކުން ފެންނާނެ އިންތިޒާމު ހަމަޖެހި، ދިވެހި އުފެއްދުންތެރިކަން ކުރިއެރުވުމަށް މަގުފަހިވެގެންދާނެ ކަމަށް ސަރުކާރުން ވިދާޅުވިއެވެ.
ރިއެކްޝަންސް
