ސަމާލުވޭ, ސްކޭމްކޮށްގެން ހަފްތާއެއްގެ ތެރޭގައި ގެއްލުނު ފައިސާގެ އަދަދު 4 ލައްކަ އަށްވުރެ މަތި
ގެއްލުނު ފައިސާގެ %80 ހޯދި
އެއީ މި މަހުގެ 13 އިން 19 ވަނަ ދުވަހުގެ ނިޔަލަށް ރެކޯޑްކުރެވިފައިވާ ސްކޭމް މައްސަލަތަކުގެ ތަފާސްހިސާބުން ދައްކާވަރެވެ. އެމުއްދަތުގެ ތެތޭގައި އެ ސެންޓަރަށް 45 މައްސަލައެއް ރިޕޯޓުކޮށްފައިވާ ކަމަށް ފުލުހުން ވިދާޅުވިއެވެ.
އެންމެ ގިނައިން ހިންގާފައިވަނީ އީ-ކޮމާސް ސްކޭމްގެ މައްސަލަތަކެވެ. އެބާވަތުގެ 26 މައްސަލަ ހުށަހަޅާފައިވާކަމަށް ފުލުހުން ވިދާޅުވިއެވެ. އެންމެ ގިނައިން ސްކޭމަރުން ބޭނުންކޮށްފައިވަނީ ފޭސްބުކް މާކެޓްޕްލޭސްއެވެ. ފޭސްބުކް މާކެޓްޕްލޭސް 20 މައްސަލަ އެންޓި ސްކޭމް ސެންޓަރަށް ފާއިތުވި އެއް ހަފްތާގެ ތެރޭގައި ހުށަހަޅާފައިވާކަމަށް ފުލުހުން ވިދާޅުވިއެވެ. މީގެއިތުރުން ހުށަހެޅުނު މައްސަލަތަކަކީ:
▪️ ބޭރު ފައިސާ މާރުކުރުމުގެ ސްކޭމް - 10 މައްސަލަ
▪️ ފޯނު މެދުވެރިކޮށް ހިންގާ ސްކޭމް - 5 މައްސަލަ
▪️ އިމްޕާރސަނޭޝަން، ފިޝިންގ، ރޮމޭންސް ސްކޭމް އަދި ފައިސާ ޖަމާކުރުމުގެ މައްސަލަ ކޮންމެ ބާވަތަކުން 1 މައްސަލަ
ސްކޭމްކުރުމަށް ބޭނުންކޮށްފައިވާ އެހެނިހެން ވަސީލަތްތަކަށް ބަލާއިރު ވައިބަރ އާއި އައިބޭ، މެސެންޖަރ، ޓެލެގްރާމް، އަދި އިންސްޓަގްރާމް ހިމެނެއެވެ.
މިފަދަ ސްކޭމްތަކުން ރައްކާތެރިވުމަށް އިތުރަށް ސަމާލުކަން ދިނުމަށް އެދި އެންޓި ސްކޭމް ސެންޓަރުން ވަނީ އިލްތިމާސްކޮށްފައެވެ.
ރިއެކްޝަންސް
