ފިޠުރު ޢީދު ފާހަގަކުރުމުގައި ބައިވެރިވި ފަރާތްތަކަށް ރައީސް ޝުކުރު އަދާކުރައްވައިފި
ފިޠުރު ޢީދުގެ މުނާސަބަތު ކުލަގަދަކޮށް ފާހަގަކުރުމުގެ އިންތިޒާމު ކުރެއްވުމުގައި ބައިވެރިވި ހުރިހާ ފަރާތްތަކަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝުކުރު އަދާކުރައްވައިފިއެވެ.
އެމަނިކުފާނު އެފަރާތްތަކުގެ ބުރަ މަސައްކަތުގެ އަގުވަޒަންކުރައްވައި ޝުކުރުއަދާކުރެއްވީ މިއަދު ހެނދުނު އެމަނިކުފާނުގެ ރަސްމީ އެކްސް އެކައުންޓުން ޙިއްޞާކުރެއްވި ޕޯސްޓެއްގައެވެ.
ރައީސްގެ ޕޯސްޓުގައި، މި ޙަރަކާތްތައް އިންތިޒާމުކުރުމުގައި ބައިވެރިވި މިނިސްޓްރީތަކާއި މުއައްސަސާތަކާއި ކުންފުނިތަކުގެ ނަންތައް ފާހަގަކުރައްވައި، އެ ފަރާތްތަކަށް ޝުކުރު އަދާކުރައްވާފައިވެއެވެ. މީގެ ތެރޭގައި އިސްލާމިކް މިނިސްޓްރީއާއި، ޕޮލިސް އަދި ޑިފެންސް ފޯސްގެ އިތުރުން ސަރުކާރުގެ ގިނަ ކުންފުނިތައް ހިމެނެއެވެ.
ގިނަބަޔަކު ފާހަގަކުރި ގޮތުގައި މިއީ މި ފަހުގެ ތާރީޚެއްގައި މާލޭގައި ފިޠުރު ޢީދު މިހާ ކުލަގަދަކޮށް ފާހަގަކުރި ފުރަތަމަ ފަހަރެވެ.
ސެންޓްރަލް ޕާކުގައި ބޭއްވި ގުޑަކުދީންގެ ހަވީރަކީ މިހާތަނަށް ޢީދަކާ ގުޅިގެން ބޭއްވި އެންމެ ފުރިހަމަ ކުޑަކުދީންގެ ހަވީރެވެ. މި ހަރަކާތަށް ލިބުނު ތަރުހީބާ ގުޅިގެން، ޢީދުގެ ތިން ދުވަހު އެ ހަރަކާތް ކުރިއަށް ގެންދިއުމަށް ނިންމާފައިވެއެވެ. އެގޮތުން މިއަދަކީ އީދު ހަވީރުގެ އެންމެ ފަހުދުވަހެވެ.
ރިއެކްޝަންސް
