ރައީސް މުއިއްޒު, ފިޔާޒުއަށް އިންޒާރު ދިންކަމަށް ބެލެވެން ނެތް, ދައުވާ ނުކުރަން ނިންމައިފި
ރައީސުލްޖުމްހޫރިއްޔާ ޑރ.މުޙައްމަދު މުއިއްޒު އަދަދު ނޫހުގެ ސީއީއޯ އަދި ނޫސްވެރިޔާ ހުސައިން ފިޔާޒުއަށް ގުޅާ އިންޒާރު ދިންކަމަށް ބެލެވެން ނެތްކަމަށް ބަލާ, ދައުވާ ނުކުރަން ޕީޖީ ނިންމައިފި އެވެ.
ޕީޖީ އޮފީހުން ނެރުނު ބަޔާނުގައި ބުނެފައިވަނީ އެމައްސަލަ ތަހުގީގު ކުރުމަށްފަހު ދިވެހި ފުލުހުންގެ ޚިދުމަތުން, އެމައްސަލައިގައި ދައުވާ ކުރުމަށް މިމަހުގެ 23 ވަނަ ދުވަހު ޕީޖީއަށް ފޮނުވާފައިވާ ކަމަށެވެ. އެހެންނަމަވެސް މައްސަލައިގައި ފުލުހުން ހޯދާފައިވާ ހެކި, ޤަރީނާ ދިރާސާކޮށް ބެލިއިރު, ރައީސުލްޖުމްހޫރިއްޔާ ފިޔާޒަށް ގުޅާ އިންޒާރުދިންކަމަށް ޤާނޫނީ ގޮތުން މާނަކުރެވޭނެ ބަހެއް ނުވަތަ އިބާރާތެއް ރައީސުލްޖުމްހޫރިއްޔާ ބޭނުންކުރައްވާފައިވާކަން އިނގެން ނެތްކަމަށް ބަޔާނުގައި ވެއެވެ. ދައުވާ ނުކުރަން ނިންމެވީ އެސަބަބާހުރެ ކަމަށް ބަޔާނުގައި ބުނެފައި ވެއެވެ.
ހުސައިން ފިޔާޒު ހުށަހެޅުއްވި މައްސަލައިގައި ވަނީ "ޤްނޫނީ ގޮތުން އެންމެ ހަރުކަށި ފިޔަވަޅު އަޅުއްވާނެ ކަމަށް" ވިދާޅުވެ ރައީސުލްޖުމްހޫރިއްޔާ އިންޒާރު ދިން ކަމަށެވެ. ޕީޖީން ބުނީ މިއީ ޤާނޫނީ ނައްސުތަކަށް ފެތޭ އިންޒާރު ދިނުމުގެ އަމަލެއް ނޫން ކަމަށެވެ. އެހެންކަމުން މިއީ ޖިނާއީ ދައުވާއެއް ކުރެވޭނެ މައްސަލައެއް ނޫން ކަމަށް ނިންމެވީކަމަށް ބަޔާނުގައި ބުނެފައިވެއެވެ.
ރިއެކްޝަންސް
