އަންނަ ހޮނިހިރު ދުވަހު ޕީ.އެން.ސީގެ ޕްރައިމަރީ މުޅިރާއްޖޭގައި ބާއްވަނީ

ޕްރޮގްރެސިވް ކޮންގްރެސް ކޯލިޝަންގެ ޕްރައިމަރީ ހޮނިހިރު ދުވަހު ބާއްވަން އަނެއްކާވެސް ނިންމައިފިއެވެ.

މާޗުމަހު ބާއްވާ ރައްޔިތުންގެ މަޖިލީހުގެ އިންތިޚާބުގައި ޕީޕަލްސް ނެޝަނަލް ކޮންގްރެސް، ޕީ.އެން.ސީގެ ޓިކެޓުގައި ވާއްދަކުރައްވާނެ ބޭފުޅުން އިންތިޚާބު ކުރުމަށް ބާއްވާ ޕްރައިމަރީ އަންނަ ހޮނިހިރު ދުވަހު ބޭއްވުމަށް އަނެއްކާވެސް ނިންމާފައި މިވަނީ މީގެ ކުރިން 4 ފަހަރެއްގެ މަތިން ފަސްކުރުމަށްފަހުގައެވެ. 

ޕްރައިމަރީ ބޭއްވުމަށް އަލުން ނިންމީ ކެނޑިޑޭޓުންނާއި އާންމު މެންބަރުންގެ ކަންބޮޑުވުމާއި ފާޑުކިޔުން އެޕާޓިއަށް އަމާޒު ވެފައިވާ ދަނޑިވަޅެއްގައެވެ. 

އަމާޒު މީޑިއާ އަށް މައުލޫމާތު ލިބިފައިވާ ގޮތުގައި ޕީ.އެން.ސީގެ ޕްރައިމަރީ ބެއްވުމުގެ އެންމެ ފަހުގެ ތައްޔާރީތައް އެޕާޓިން މިހާރު އަންނަނީ ކުރައްވަމުންނެވެ.

އެގޮތުން އެކި ދާއިރާތަކުގައި ވޯޓުލާ މީހުންގެ ދަފްތަރު ރޭގެ ވަގުތެއްގައި ވަނީ އާންމު ކޮށްފައެވެ.

މީގެ އިތުރުން އިންތިޚާބުގައި ވާދަކުރާ ކެނޑިޑޭޓުންގެ ފަރާތުން އޮބްޒާވް ކުރުމަށް ބޭނުންވާ ފަރާތްތައް ރަޖިސްޓްރީ ކުރުމުގެ މަސައްކަތްވެސް އިއްޔެ އެޕާޓީން ވަނީ ފަށާފައެވެ.

ޕީ.އެން.ސީ މީގެ 2 ދުވަސް ކުރިން ވަނީ ޕްރައިމަރީ ދެބަޔަކަށް ބަހާލައިގެން ބޭއްވުމަށް މަސައްކަތް ކުރަމުންދާ ކަންވެސް ހަމާކޮށްފައެވެ. އެހެން ނަމަވެސް އެކި ސަބަބުތަކާހުރެ އެޕާޓީން ވަނީ އެނިންމުން ބަދަލުކޮށް ހުރިހާ ދާއިރާއެއްގައިވެސް 27 ޖަނަވަރީގައި ޕްރައިމަރީ ކުރިއަށް ގެންދިއުމަށް ނިންމާފައެވެ.