މިފްކޯގެ ސީއީއޯ ޑރ. ވިޓާލީ މަޤާމުން ވަކިކޮށްފި
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ ޗީފް އެގްޒެކެޓިވް އޮފިސަރ (ސީއީއޯ) އަދި އެކުންފުނީގެ މެނޭޖިން ޑިރެކްޓަރުގެ މަޤާމްގައި ހުންނެވި ޑރ. ވިޓާލީ ލުބިވޯމް އެމަޤާމުން މިއަދު ވަކިކޮށްފިއެވެ.
ފާއިތުވި ޑިސެމްބަރުމަހު އެމަޤާމަށް އައްޔަނުކުރި ޑރ, ވިޓާލީ ވަކިކުރިކަން ޕްރައިވެޓައިޒޭޝަން އެންޑް ކޯޕަރައިޓައިޒޭޝަން ބޯޑުން (ޕީސީބީ) ވަނީ ކަށަވަރުކޮށްދީފައެވެ. ނަމަވެސް ވަކިކުރީ ކޮންސަބަކާ ހުރެކަމެއް ޕީސީބީން ހާމަކޮށްފައެއް ނުވެއެވެ.
ސްވިޒަލޭންޑްގެ ޑރ. ވިޓާލީ އަކީ އެކުންފުނީގެ ސީއީއޯގެ މަޤާމަށް އައަޔަނުކުރި ރާއްޖެއިން ބޭރުގެ ފުރަތަމަ ބޭފުޅާއެވެ. މަޤާމަށް އައްޔަނުކުރުމަށްފަހު ޑރ. ވިޓާލީ ވަނީ މިފްކޯގެ ހިންގުން ހަރުދަނާ ކުރުމަށް ކުރަމުންދާ މަސައްކަތުގައި ސިޔާސީ ނުފޫޒު އެއްކިބާކުރައްވާނެ ކަމަށް ވިދާޅުވެފައެވެ.
ޑރ. ވިޓާލީ މަޤާމަށް އައްޔަނުކުރިފަހުން މިފްކޯގެ ޗީފް ފައިނޭންޝިއަލް އޮފިސަރ (ސީއެފްއޯ) ގެމަޤާމުގައި ހުންނެވި އިލްޔާސް ހަނީފުވެސް ވަނީ ޖެނުއަރީމަހު މަޤާމުން އިސްތިއުފާ ދެއްވާފައެވެ.
ރިއެކްޝަންސް
