ކޮންމެ ގޭ ބިސީއަކަށް 48 ދަޅުގެ މަސްކޭހެއް ލިބިގެންދާނެ / ފޮޓޯ: އެސްޓީއޯ

މާލެ ސަރަހައްދުގައި މަސްދަޅު ކޭސް ބަހާ ގަޑިތަކަށް ބަދަލު ގެނެސްފި

މަސްދަޅު ބަހާނީ ލޯކަލް ކައުންސިލްތަކާބެހޭ މިނިސްޓްރީން

މޫސާ ހުސައިން

2 days ago - 14:29

Feb 20, 2025 - 14:43

ރަމަޟާން މަހަށް ސަރުކާރުން ގޭބީސީތަކަށް ދޭ މަސްދަޅު ކޭސް މާލެ ސަރަހައްދުގައި ބަހަން ފަށާ ގަޑިތަކަށާއި، އަދި މަސްދަޅު ކޭސް ބަހާ ސަރަހައްދުތަކަށް ބަދަލުތަކެއް ގެނެސްފިއެވެ.

މިބަދަލަކީ މަސްދަޅު ކޭސް ބެހުމުގެ މަސައްކަތާއި، ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާބެހޭ ވުޒާރާއިން ހަވާލުވުމާއި ގުޅިގެން ގެނައި ބަދަލެއް ކަމަށް އެސްޓީއޯއިން ވިދާޅުވިއެވެ. އެގޮތުން މިއަދު މެންދުރު ފަހު 2:30 އަށް ފަށަން ކުރިން ހަމަޖެހިފައި އޮތަސް, މަސްދަޅު ކޭސް ބެހުމުގެ މަސައްކަތް މިރޭ 8:30 ގައި ފަށަން ގަޑި މިހާރު ވަނީ ބަދަލުކޮށްފައެވެ. މަސްދަޅު ކޭސް ބެހުމަށް ހަމަޖެހިފައިވަނީ މިއަދުން ފެށިގެން 27 ފެބްރުއަރީ 2025 ގެ ނިޔަލަށް ކަމަށް އެސްޓީއޯއިން މައުލޫމާތުދެއްވިއެވެ.

މިހާރު މަސްދަޅު ދޫކުރުމަށް ހަމަޖެހިފައިވާ ދުވަސްތަކާއި ގަޑިތަކަކީ:

20 ފެބްރުއަރީ 2025- 20:30 އިން 23:00 އަށް
21 ފެބްރުއަރީ 2025- ބަންދު
22 ފެބްރުއަރީ 2025- 10:00 އިން 16:00 އަށް އަދި ރޭގަނޑު 20:30 އިން 23:00 އަށް
23 ފެބްރުއަރީ އިން 27 ފެބްރުއަރީ 2025- 14:30 އިން 18:00 އަށް އަދި ރޭގަނޑު 20:30 އިން 23:00 އަށް

ކުރީ އަހަރުގެ ތަޖުރިބާއާއި ދިމާވި ދަތިތަކަށް ރިއާޔަތްކޮށް، މިއަހަރުގެ ހަދިޔާ ބެހުމުގެ އިންތިޒާމުތައް އިތުރަށް ހަރުދަނާކޮށް، ރައްޔިތުންނަށް ވީހާވެސް ފަސޭހަކޮށް މަސްދަޅު ކޭސް ލިބޭނެ ގޮތަށް ކަންކަން ރާވާ ބައްޓަންކޮށްފައިވާކަމަށް ވެސް އެސްޓީއޯއިން ވިދާޅުވިއެވެ.