ކުރީގެ ރައީސް ޞާލިހުގެ އަނބިކަނބަލުންގެ މަންމާފުޅު އަވަހާރަވެއްޖެ
ކުރީގެ ރައީސް ޞާލިހުގެ އަނބިކަނބަލުންގެ މަންމާފުޅު އަވަހާރަވެއްޖެއެވެ. ކުރީގެ މެޑަމް ފަޒުނާ އަހުމަދުގެ މަންމާފުޅު ޒަމީރާ ޢުމަރު އަވަހާރަވީ މިއަދުއެވެ. އަވަހާރަވީއިރު އުމުރުފުޅަކީ 79 އަހަރެވެ.
ރައީސް އިބްރާހީމް މުޙައްމަދު ޞާލިޙްގެ އަނބިކަނބަލުން ފަޒްނާ އަޙްމަދުގެ މަންމަ، ޒަމީރާ ޢުމަރު އަވަހާރަވުމުގެ ފުން ހިތާމައިގާ ބައިވެރިވެވަޑައިގެން ރައީސުލްޖުމްހޫރިއްޔާ ޑރ.މުޙައްމަދު މުއިއްޒު ވަނީ ތަޢުޒިޔާ ވިދާޅުވެފައެވެ. ރައީސް އިބްރާހީމް މުޙައްމަދު ޞާލިޙްގެ ދެކަނބަލުންނަށާއި ޢާއިލާއަށް ރައީސް ޑރ.މުއިއްޒު ވަނީ ތަޢުޒިޔާ ވިދާޅުވެފައެވެ.
މަރްޙޫމާ ޒަމީރާ ޢުމަރަށް ސުވަރުގޭގެ ދާއިމީ ނިޢުމަތް ދެއްވައި، މާތްﷲގެ ތަނަވަސް ރަޙްމަތާއި އޯގާވަންތަކަމުގައި ތާއަބަދުމެ ލެހެއްޓެވުން އެދި ރައީސުލްޖުމްހޫރިއްޔާ ވަނީ ދުޢާ ކުރައްވާފައެވެ.
ރިއެކްޝަންސް
