ހޯރަފުށި ހާފްވޭ ހައުސް ރައީސުލްޖުމްހޫރިއްޔާ ހުޅުއްވައިދެއްވައިފި
ހޯރަފުށި ހާފްވޭ ހައުސް ރައީސުލްޖުމްހޫރިއްޔާ ހުޅުއްވައިދެއްވައިފި އެވެ. ހާފްވޭ ހައުސް ރައީސުލްޖުމްހޫރިއްޔާ ހުޅުއްވައިދެއްވީ ހއ.އަތޮޅަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ހޯރަފުށްޓަށް ވަޑައިގެންނެވެ.
ހާފްވޭ ހައުސްއަކީ ކުޑަކުދިންގެ އަދުލުގެ ޤާނޫނުގެ ދަށުން އިމާރާތްކުރި ތަނެކެވެ. މިއީ ނުރައްކަލަށް ހުށަހެޅުމުގެ ފުރުޞަތު އޮތް ކުޑަކުދިންގެ ފަރުވާގެ ނިޒާމް ކުރިއަށް ގެންދިއުމަށް ޤާނޫނުގެ ދަށުން ހަދަން ޖެހޭ ސެންޓަރެކެވެ. ސެންޓަރުގައި އަންހެން ކުދިންނާއި ފިރިހެން ކުދިންނަށް ޚާއްޞަ ވަކި ބްލޮކް ވަނީ ހިމަނާފައެވެ.
ހޯރަފުށި ޖުވެނައިލް ހާފްވޭ ހައުސް އިމާރާތް ކުރުމުގެ މަސައްކަތް ފެށީ މިދިޔަ ސަރުކާރުގައެއެވެ. އެމަސައްކަތް ކުރީ އެމްޓީސީސީއާ ހަވާލުކޮށްގެންނެވެ. ޤާނޫނުގައި ބުނާ ރެޒިޑެންޝަލް ޓްރީޓްމަންޓް ސެންޓަރު މިދިޔަ ސަރުކާރުން އިމާރާތް ކުރީ ދ.ކުޑަހުވަދޫ ގައެވެ. އެކަމަކު އެތަނުގެ ހާލަތު ހުރި ގޮތުން މިސަރުކާރު ހަވާލުވެ ބޭނުން ކުރާކަށް ނުފަށައެވެ.
އެތަން ނިންމާ ހުޅުވިފައި ވަނީ ޤާނޫނުގައި ބުނާ މުއްދަތު ފަހަނައަޅާ ދިޔަފަހުންނެވެ. 200 އެއްހާ ކުދިން ފަރުވާގެ ނިޒާމަށް ގެންދަންޖެހޭ ހާލަތުގައި, ރިސްކްގައި ތިބި ކަމަށް ހޯމް މިނިސްޓްރީން ވަނި ބުނެފައެވެ.
ރިއެކްޝަންސް
