އެއްބަސްވުމާ އެއްގޮތަށް މިއަދު އިތުރު 110 ފަލަޞްޠީނުގެ ރައްޔިތުން މިނިވަންކުރަނީ
މިއަދު މިނިވަންކުރުމަށް ހަމަޖެހިފައިވާ 110 މީހުންގެ ތެރޭގެ 30 ކުޑަކުދިންވެސް ހިމެނޭ
ޒްރާއިލްއާއި ހަމާސް އާ ދެމެދު ހަމަލާތައް މެދުކަނޑާލުމަށް ވެވިފައިވާ އެއްބަސްވުމާ އެއްގޮތަށް އިތުރު 110 މީހަކު މިއަދު މިނިވަންކުރުމަށް ހަމަޖެހިފައިވާ ކަމަށް ފަލަޞްޠީނުގެ ޕްރިޒަނަރ ސޮސައިޓީން ބުނެފިއެވެ. މިއީ ހަމާސްއިން މިނިވަން ކުރުމަށް ހަމަޖެހިފައިވާ 8 ރަހީނުންގެ ބަދަލުގައި މިނިވަންކުރާ ފަލަޞްޠީނުގެ އަސީރުންނެވެ. މިއަދު މިނިވަންކުރާ ރަހީނުންގެ ތެރޭގައި ހިމެނެނީ އިޒްރާއިލްގެ ތިން މީހަކާއި ތައިލެންޑްގެ ފަސް މީހެކެވެ.
މިނިވަންކުރާ ގިނަ މީހުން ރެޑް ކޮރޮސްގެ އުޅަނދުތަކުގައި ގެންދިއުމަށް ހަމަޖެހިފައިވަނީ ހިޞާރުކޮށްފައިވާ ހުޅަނގު އައްސޭރީގެ ރާމަالله ގެރަދާނާ ސަރަޙައްދަށެވެ. މިއަދު ފަލަޞްޠިނުގެ ގަޑިން 10 ޖަހާއިރު އެމީހުން ރަދާނާއަށް އައުމުގެ ކުރިން ހަމާސް އަދި އެހެނިހެން މުޖާހިދުންގެ ޖަމާއަތްތަކުގައި ދަށުގައި ތިބި އަށް މިނިވަންކުރާނެއެވެ.
މިނިވަންކުރާ މީހުންގެތެރޭގައި ހިމެނޭ 20 ޤައިދީއަކު މިނިވަންވުމަށްފަހު އެހެން ޤައުމުތަކަށް އެއްބަސްވެވިފައިވާ ގޮތަށް ދާންޖެހޭނެއެވެ. މިގޮތަށް ފަލަޞްޠީނުން ބޭރަށް 'އަރުވާލެވެން' ޖެހެނީ ސިޔާސީ ކުށްވެރިންގެ ތެރޭގައި ހިމެނޭކަށް އިޒްރާއިލްއިން ޤަބޫލުކުރާ މުޖާހިދުންގެ ތެރެއިން ބައެއް މީހުންނެވެ.
ފަލަޞްޠީނުގެ ކުޑަކުދިންގެ ޙައްގުތަކަށް ވަކާލާތުކުރާ ގްރޫޕަކުން ބުނެފައިވާ ގޮތުގައި މިނިވަން ކުރުމަށް ހަމަޖެހިފައިވާ މީހުންގެ ލިސްޓްގައި 30 ކުޑަކުއްޖަކުވެސް ހިމެނެއެވެ. އިޒްރާއިލްގެ ޖަލުތަކުގައި މިހާރުވެސް 300 އަށްވުރެ ގިން ކުޑަކުދިން ހައްޔަރުކޮށްފައި ތިބިކަމަށް ރިޕޯޓްތައް ބުނެއެވެ.
މިއަދު ދޫކޮށްލުމަށް ހަމަޖެހިފައިވާ އަސީރުންގެ ތެރޭގައި މަޝްހޫރު މުޖާހިދު އަދި ތިއޭޓަރ ޑައިރެކްޓަރ ޒަކަރިއާ ޒުބެއިދީ ވެސް ހިމެނެއެވެ. 49 އަހަރުގެ ޒުބެއިދީއަކީ 2021 އަހަރު އިޒްރާއިލްގެ ޖަލު ފަޅާލާ ސަލާމަތްވި މީހެކެވެ. އެނާގެ މަޝްހޫރު ޖަލު ފަޅާލި ހާދިސާއަކީ މުޅި އިޒްރާއިލްގެ ސަލާމަތީ ހިދުމަތަށް ގުޑުން ގެނުވި ހާދިޡާއެކެވެ.
ޒުބެދީ އަކީ ކުރިން އަލް-އަޤްޞާ ބްރިގޭޑްސް ލީޑުކުރި މުޖާހިދެކެވެ. އޭނާއަކީ ފަލަޞްޠީނިއަން އޮތޯރިޓީ (ޕީއޭ) ގެ ކޮންޓްރޯލް އޮންނަ ފަތަހަ ޖަމާއަތާ ގާތްގުޅުމެއް އޮންނަ ފަރާތެކެވެ. 2000 ން 2005 ށް އިޒްރާއިލްއާ ދެކޮޅަށް މުޖާހިދުން ދިން ވަރުގަދަ ޖަމާތަކުގައި ޒުބެއިދީގެ ދައުރު ބޮޑެވެ.
ކުރިންވެސް އިޒްރާއިލްގެ ޖަލުގައި ދުވަސްތަކެއް ހޭދަކުރި ޒުބެއިދީ 2019 ގައި ފަހުން ހައްޔަރުކުރިއެވެ. 2021ގައި އުތުރު އިޒްރާއިލްގައި އޭނާ ހުރި ޖަލުން ޓަނަލެއްހަދާ ފިލި ހާދިސާއަށްފަހު އޭނާއަކީ ފަލަޞްޠީނުގައި ބަތަލެއްގެ ދަރަޖަ ލިބިފައިވާ މީހެކެވެ. އޭނާ އާއެކު އެހަފަރު ފިލި ފަސް މީހުންވެސް އިޒްރާއިލްއިން ފަހުން ވަނީ ހައްޔަރުކޮށްފައެވެ.
ރިއެކްޝަންސް
