އެމް.އާރު.އެމް އުވާލައިފި

ކުރީގެ ރައީސް މައުމޫން އަބްދުލްޤައްޔޫމްގެ އެމް.އާރު.އެމް އުވާލައިފިއެވެ. މޯލްޑިވްސް ރިފޯމް މޫވްމަންޓް (އެމްއާރުއެމް) އުވާލަން އިލެކްޝަން ކޮމިޝަނުން ނިންމެވީ މިއަދުން ފެށިގެންނެވެ.

އެމްއާރުއެމް އުވާލީ ޤާނޫނުގައި ބުނާ އަދަދަށް ޕާޓީގައި މެމްބަރުން ނެތުމުންނެވެ. ޤާނޫނީ އަދަދަށް މެމްބަރުން ހަމަކުރަން އެޕާޓިއަށް ދިން މުއްދަތު ހަމަވިއިރުވެސް އަދަދު ހަމަނުކުރެވުމުން އެޕާޓީ އިލެކްޝަން ކޮމިޝަންގެ ދަފްތަރުން އުވާލަން ނިންމީ ކަމަށް އިލެކްޝަން ކޮމިޝަނުން ވިދާޅުވިއެވެ.

ސިޔާސީ ޕާޓީތަކާބެހޭ ޤާނޫނުގައި ވާގޮތުން ސިޔާސީ ޕާޓީއެއްގައި މެމްބަރުން ތިބެން ޖެހޭ އެންމެ މަދު އަދަދަކީ 3000 އެވެ.  އިލެކްޝަން ކޮމިޝަންގެ ރަސްމީ ވެބްސައިޓުން މިހާރު ވަނީ އެޕާޓީގެ ނަން އުނިކޮޑށްފައެވެ. ޕާޓީ އުވާލިއިރު އެޕާޓީގައި ތިބީ 1867 މެމްބަރުންނެވެ.