ކެބިނެޓަށް ގެނައި ބަދަލުތަކާއެކު ވަޒީރުންނަށް މަޖިލިހުން ރުހުން ދީފި
ކެބިނެޓަށް ގެނައި ބަދަލުތަކާއެކު ވަޒީރުންނަށް ރައްޔިތުންގެ މަޖިލިހުން ރުހުން ދީފިއެވެ.
މިއަދު މަޖިލިހުން ރުހުން ދެއްވީ މިނިސްޓަރ އޮފް ފިނޭންސް އެންޑް ޕްލޭނިންގ މޫސާ ޒަމީރަށާއި, މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް ޑރ.އަލީ ހައިދަރު އަހުމަދަށާއި, މިނިސްޓަރ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރ ޑރ.އަބްދުالله މުއްޠަލިބަށާއި, މިނިސްޓަރ އޮފް އެގްރިކަލްޗަރ އެންޑް އެނިމަލް ވެލްފެއަރ ޑރ.މަރިޔަމް މާރިޔާ އަށެވެ.
ރައީސުލްޖުމްހޫރިއްޔާ ވަޒީރުންގެ މަޖިލިހަށް ގެންނެވި ބަދަލުތަކަކީ ގެދޮރުވެރިކަމާ ބެހޭ ވުޒާރާ އުވާލައްވާ އެވުޒާރާގެ ތެރޭގައި އޮތް ގެދޮރުވެރިކަމާބެހޭ ބައި ޑރ.އަބްދުالله މުއްޠަލިބު ބަލަހައްޓަވަމުން ގެންދެވި ކޮންސްޓްރަކްޝަން މިނިސްޓްރީ އަށް ޕްލޭނިންގ ބައި ފިނޭންސް މިނިސްޓްރީގެ ތެރެއަށް ބަދަލުކުރެއްވުމެވެ. މީގެއިތުރުން ހަޔަރ އެޑިއުކޭޝަން މިނިސްޓަރު ކަމުގެ މަގާމްގައި ހުންނެވި މާރިޔާ އެނިމަލް ވެލްފެއާ ވަޒީރުކަމަށް ބަދަލުކުރައްވާ ގެދޮރުވެރިކަމާ ބެހޭ ވަޒީރަކަށް ހުންނެވި ޑރ.އަލީ ހައިދަރު ހަޔަޔ އެޑިއުކޭޝަން މިނިސްޓަރު ކަމަށް ބަދަލުކުރެއްވީއެވެ.
ޑރ.އަލީ ހައިދަރު ފިޔަވާ އެހެން ވަޒީރުންނަށް ރައްޔިތުންގެ މަޖިލިހުގެ 70 މެމްބަރުންގެ އިއްތިފާގުން ރުހުން ދެއްވިއެވެ. ހައިދަރުއަށް ރުހުން ދޭން ނުފެންނަ ކަމަށް 6 މެމްބަރަކު ވޯޓް ދެއްވިއެވެ.
ރިއެކްޝަންސް
