31 ވަނަ ދުވަހުގެ އެއްވުމުގައި ސިޔާސީ ފިކުރަށް ބެލުމެއް ނެތި ބައިވެރިވާން އެމްޑީޕީން ގޮވާލައިފި
އިދިކޮޅު އެމްޑީޕީން އިސްވެ މިމަހު 31 ވަނަ ދުވަހު ބާއްވާ އެއްވުމުގައި ސިޔާސީ ފިކުރަށް ބެލުމެއް ނެތި ބައިވެރިވާން އެޕާޓީން ގޮވާލައިފިއެވެ. އެއްވުމާގުޅޭ މައުލޫމާތު ދިނުމަށް މިއަދު ބޭއްވި ނޫސްވެރިންގެ ބައްދަލުވުމުގައި އެމްޑީޕީގެ ރައީސް އަބްދުالله ޝާހިދު ވިދާޅުވީ ގައުމުގެ މިސްރާބު ހަމަމަގަށް އަޅުވަން ސިޔާސީ ފިކުރަށް ބެލުމެއް ނެތި އެއްވުމުގައި ބައިވެރިވާން އެދޭ ކަމަށެވެ.
މިމަހުގެ 31 ވަނަ ދުވަހު އެމްޑީޕީން އެއްވުން ބާއްވަނީ 'ފުދިއްޖެ, ފުނޑިއްޖެ' ނަމުގައެވެ. އެމްޑީޕީގެ ރައީސް ޝާހިދު ވިދާޅުވީ ކުރިއަށް އޮތް ދުވަސްތަކުގައި އެއްވުން ޕްރޮމޯޓް ކުރުމަށްވެސް ތަފާތު ހަރަކާތްތައް ކުރިއަށްގެންދާނެ ކަމަށެވެ. އެގޮތުން ކަންމަތީ ބައްދަލުވުންތަކާއި, ޑޯ ޓު ޑޯ ވެސް ކުރިއަށް ގެންދާނެ ކަމަށް ވިދާޅުވިއެވެ.
ޝާހިދު ވިދާޅުވީ އެއް އަހަރާ ދެމަސް ދުވަސް މިސަރުކާރަށް ވެގެންދިޔައިރު ފެންނަނީ ދޮގު ހެދުމުގައި ސަރުކާރު އޮތްތަން ކަމަށެވެ. އަދި ޤާނޫނު އަސާސީއަށްވެސް މިސަރުކާރުން ނުބަލާ ކަމަށް ވިދާޅުވިއެވެ.
ރިއެކްޝަންސް
