އެމްޓިސީސީގެ މަޝްރޫއުތަކުގެ އަދާހަމަ މިހާރު ވަގުތުން ބަލާލެވޭ!
އެމްޓިސީސީގެ މަޝްރޫއުތަކުގެ އަދާހަމަ ވަގުތުން ބަލާލެވޭނެ ނިޒާމެއް އެކުންފުނިން ޤާއިމްކޮށްފިއެވެ. އެމްޓީސީން ހަވާލުވެފައިވާ މަޝްރޫއުތަކުގެ އަދާހަވަ ވަގުތުން ބަލާލެވޭ ގޮތަށް އެކުންފުނިން ވަނީ ވެބް ޕޭޖެއް ތަޢާރަފްކޮށްފައެވެ. projects.mtcc.com.mv ޕޭޖުން އެކުންފުނިން އެކި ސަރަހައްދުތަކުގައި ކުރިއަށްގެންދާ މަޝްރޫއުތަކާއި, ނުފެށި ހުރި މަޝްރޫއުތަކާއި, ފެށުމަށްފަހު ހުއްޓިފައި ހުރި މަޝްރޫއުތަކުގެ ތަފްސީލްވެސް ބަލާލެވެއެވެ. ކޮންމެ އަތޮޅެއް ވަކިން, ކޮންމެ ރަށެއް ވަކިން ވެބް ޕޭޖުން ފަސޭހައިން ބަލާލެވޭނެ އިންތިޒާމް ވަނީ ހަމަޖައްސާފައެވެ.
ވަކިވަކި ރަށްރަށުގައި ކުރިއަށްދާ މަޝްރޫއުތަކާއި, އެމަސައްކަތްތައް ގޮސްފައިވާ ހިސާބުވެސް ވެބްޕޭޖުން ބަލާލެވެއެވެ. އެމްޓީސީސީން ބުނީ ވަގުތުން މަޝްރޫއުތަކުގެ އަދާހަމަ ބަލާލެވޭނެ ނިޒާމެއް ޤާއިމްކުރީ ދެފުށް ފެންނަ ގޮތަށް ކަންކަން ކުރިއަށް ގެންދިއުމަށް ކަމަށެވެ.
https://x.com/MTCCPlc/status/1876629624123502815
އެންމެ ގިނަ މަޝްރޫއުތައް, ޚާއްޞަކޮށް ރަށްރަށުގައި ކުރިއަށްގެންދާ ކުންފުންޏަކީ އެމްޓީސީސީއެވެ. އެމްޓީސީސީން މިވަގުތު ދަނީ 17 އަތޮޅެއްގައި 61 މަޝްރޫއެއް ހިންގަމުންނެވެ.
ރިއެކްޝަންސް
