އިންޑިޔާގެ އާ ސަފީރު ރައީސުލްޖުމްހޫރިއްޔާ އަށް ފަތްކޮޅު އަރުވައިފި
އިންޑިޔާއިން ރާއްޖެއަށް ކަނޑައެޅުއްވި އާ ސަފީރު ޖީ.ބާލަސުބުރަމާނިއަން އެމަނިކުފާނުގެ ސަފީރުކަމުގެ ފަތްކޮޅު ރައީސުލްޖުމްހޫރިއްޔާ ޑރ.މުޙައްމަދު މުއިއްޒު އަށް މިއަދު އަރުވައިފި އެވެ. ފަތްކޮޅު އެރުވުން އޮތީ ރައީސުލްޖުމްހޫރިއްޔާގެ އޮފީހުގައެވެ.
އިންޑިޔާގެ އާ ސަފީރު ފަތްކޮޅު އެރުވުމަށް ރައީސުލްޖުމްހޫރިއްޔާގެ އޮފީހަށް ވަޑައިގެންނެވީ ދިވެހިރާއްޖޭގެ ދިފާއީ ބާރުޔގެ ބޭންޑާއެކު 'ހަތްކޮޅު' ގައެވެ. ފަތްކޮޅު އެރުވުމަށްފަހު ރައީސުލްޖުމްހޫރިއްޔާ ޑރ.މުޙައްމަދު މުއިއްޒު އިންޑިޔާގެ އާ ސަފީރާ ބައްދަލުކުރެއްވިއެވެ. އެބައްދަލުކުރެއްވުމުގައި ސަފީރު ވަނީ އިންޑިޔާގެ ބޮޑުވަޒީރު ނަރެންދުރަ މޯދީ އާއި އެކްސްޓަރނަލް އެފެއަރޒް ޑރ.ޖައިޝަންކަރުގެ ހެޔޮއެދުންތައް ރައީސްއަށް ރައްދުކޮށްފައެވެ.
ދެބޭފުޅުން ވަނީ ދެގައުމުގެ ގުޅުން އިތުރަށް ބަދަހިކުރުމާއި, އިންޑިޔާގެ އެހީގައި ރާއްޖޭގައި ކުރިއަށްގެންދާ މަޝްރޫއުތަކާ ގުޅޭގޮތުން މަޝްވަރާ ކުރައްވާފައެވެ. އަދި އިންޑިޔާގެ އިންވެސްޓްމަންޓްތައް ތަފާތު ދާއިރާތަކުން އިތުރުކުރުމާ ގުޅޭގޮތުންވެސް މަޝްވަރާ ކުރެއްވިއެވެ.
އިންޑިޔާއިން ރާއްޖެއަށް އާސަފީރެއް ކަނޑައެޅުއްވީ ކުރީގެ ސަފީރު މުނޫ މަހާވަރުގެ ދައުރު ހަމަވުމުންނެވެ.
ރިއެކްޝަންސް
