ފަހަތުން އަރާ ބްރެންޓްފޯޑް ބަލިކޮށް އާސެނަލް ތާވަލްގެ ދެވަނަ މަޤާމަށް
ޕްރިމިއަރ ލީގުގައި 2025 ގެ ފުރަތަމަ މެޗުން އާސެނަލް 3-1 ން ބްރެންޓްފޯޑުގެ މައްޗަށް ކުރި ހޯދައިފިއެވެ. ބްރެންޓްފޯޑުން ގޯލެއް ޖަހާފައި ވަނިކޮށް އާސެނަލް އިން ފަހަތުން އަރާ ތިންގޯލް ކާމިޔާބުކޮށް މިވަނީ ތާވަލްގެ ދެވަނަ މަޤާމުގައި ލީގު ޓައިޓަލްގެ އުއްމީދު އާކޮށްފައެވެ.
މެޗުގައި ބްރެންޜްފޯޑަށް ލީޑު ނަގައިދިނީ ބްރަޔަން އެމްބުއެމޯ އެވެ. މެޗުގެ 12 ވަނަ މިނިޓްގައި ބެރެންޓްފޯޑުގެ ހަމައެކަނި ގޯލް އެޓީމަށް ކާމިޔާބުކޮށްދިނުމުގައި އެހީތެރިވީ މިކޭލް ޑެމްސްގާޑްއެވެ.
އާސެނަލްގެ އިން ނަތީޖާ އެއްވަރުކުރީ 29 ވަނަ މިނިޓްގައި ގެބްރިއެލް ޖީސަސައެވެ. ފުރަތަ ހާފު ނިމުނީ އެ ނަތީޖާގައި އޮވެގެންނެވެ. މެޗުގައި 17 އަހަރުގެ އީތަން ވަނޭރީ ވަނީ ޕްރިމިއަރ ލީގުގެ މެޗެއްގައި ފުރަތަމަ ފަހަރަށް, ފުރަތަމަ އެގާރައިގައި ހިމެނިފައެވެ. އީތަން ކުޅެން ނިކުތީ ބަލިވެގެން ބުދަ ދުވަހުގެ މެޗުން ނުފެނުނު ކައި ހަވާޓްސްގެ ބަދަލުގައެވެ.
އާސެނަލްއަށް ލީޑު ފުޅާކޮށްދިނީ 50 ވަނަ މިނިޓްގައި މިކޭލް މެރީނޯއެވެ. މެޗުގެ 53ވަނަ މިނިޓްގައި އާސެނަލްއަށް އެމިހުންނަށް މެޗުގެ ފަހު ގޯލް ކާމިޔާބުކޮށްދިނީ ގެބްރިއެލް މާޓީނެއްލީއެވެ.
އާސެނަލްއިން ބްރެންޓްފޯޑުގެ މައްޗަށް ހޯދި މޮޅާއެކު އެޓީމުންވަނީ އެއްވަނައިގައި އޮތް ލިވަޕޫލްއާ ޕޮއިންޓްގެ ފަރަގު ކުޑަކޮށް ދެވަނަ މަޤާމަށް ޖެހިލާފައެވެ. 19 މެޗުން 39 ޕޮއިންޓް ހޯދައިގެން އާސެނަލް ދެވަނައިގައި އޮތްއިރު އެއްމެޗު މަދުންކުޅެ, ލިވަޕޫލް އެއްވަނައިގައި އޮތީ 45 ޕޮއިންޓާއެކުއެވެ. ތާވަލްގެ ތިންނަވަނައިގައި ނޮޓިންގްހަމް ފޮރެސްޓް އޮތީ 19 މެޗުން 37 ޕޮއިންޓް ހޯދައިގެންނެވެ.
19 މެޗުން 24 ޕޮއިންޓާއެކު ބްރެންޓްފޯޑް އޮތީ ތާވަލްގެ 12 ވަނައިގައެވެ.
ރިއެކްޝަންސް
