މިއަދުން ފެށިގެން ރާއްޖޭގެ ބޭންކް ތަކަށް ޑޮލަރު މާރުކުރުން ލާޒިމް ވާނެ
ޑޮލަރުގެ މައްސަލަ ހައްލުކުރަން އެޅުއްވި ފިޔަވަޅު މިއަދު ތަންފީޒު ކުރަން ވަނީ ފަށާފަ
ބޭރުފައިސާއާ ބެހޭ ޤާނޫނުގެ ދަށުން މިއަދުން ފެށިގެން ފަތުރުވެރިކަމުގެ ޚިދުމަތް ދޭ ތަންތަނުން ބޭންކްތަކަށް ޑޮލަރު މާރުކުރުން ލާޒިމް ވާނެއެވެ.
އާ ޤާނޫނުގެ ދަށުން ފަތުރުވެރިކަމުގެ ޚިދުމަތް ދޭ ތަންތަނުން ބޭންކް ތަކަށް ޑޮލަރު މާރުކުކުރުން ލާޒިމްވާ ޤާނޫނަށް އަމަލުކުރަން ފަށަން ޖެހެނީ މިއަދު އެވެ. އެޤާނޫނުގެ ދަށުން ފަތުރުވެރިކަމުގެ ޚިދުމަތް ދޭތަންތަނުގެ ތެރެއިން އޭ ކެޓަގަރީގެ ތަންތަނުން ކޮންމެ ފަތުރުވެރިއަކަށް 500 ޑޮލަރު ނުވަތަ މީލާދީ މަހެއްގެ ތެރޭގައި ލިބޭ އާމްދަނީގެ %20 ރާއްޖޭގެ ބޭންކަކަށް މާރުކުރަން ޖެހޭނެއެވެ. މިކެޓަގަރީގައި ހިމެނެނީ ޓޫރިސްޓް ރިސޯރޓް ތަކެވެ.
ބީ ކެޓަގަރީގައި ހިމެނޭ ތަންތަނުން މާރުކުރަން ޖެހޭނީ ކޮންމެ ފަތުރުވެރިއެއްގެ ބޮލަކަށް %20 ޑޮލަރު ނުވަތަ އެމަހެއްގެ އާމްދަނީގެ %20 އެވެ. މީގެއިތުރުންވެސް ބޭރު ފައިސާ އިން އާމްދަނީ ލިބޭ ފަރާތްތަކުގެ ތެރެއިން 15 މިލިއަން ޑޮލަރަށްވުރެ މަތިން އާމްދަނީ ލިބޭ ފަރާތްތަކުން %20 މާރުކުރަން ޖެހޭނެއެވެ.
ޑޯލަރުގެ މައްސަލަ ހައްލުކުރުމަށް ސަރުކާރުން އެޅުއްވި މިފިޔަވަޅަށް ފަތުރުވެރިކަމުގެ ދާއިރާގައި ވިޔަފާރި ކުރާ ގިނަ ފަރާތްތަކުން ވަރަށް ބޮޑަށް ދެކޮޅު ހެދިއެވެ. ނަމަވެސް ރައީސުލްޖުމްހޫރިއްޔާ ވިދާޅުވީ މިކަން ތަންފީޒުކޮށް, ޑޮލަރުގެ މައްސަލަ ހައްލުކުރައްވާނެ ކަމަށެވެ. މިޤާނޫނު ރައްޔިތުންގެ މަޖިލިހުން ފާސްކުރީ ޑިސެމްބަރު މަހުގެ 12 ވަނަ ދުވަހު އެވެ. އަދި އޭގެ އެއް ދުވަސް ފަހުން ރައީސުލްޖުމްހޫރިއްޔާ ޑރ.މުހައްމަދު މުއިއްޒު އެޤާނޫނު ތަސްދީގު ކުރެއްވިއެވެ.
މިބަދަލާއެކު ކްރެޑިޓުން ކާޑުން ޑޮލަރުގެ މުއާމަލާތް ކުރެވޭ މިންވަރާއި, އެއަޕާރޓުން ރާއްޖެއިން ބޭރަށް ފުރާ ދިވެހިންނަށް ދޫކުރާ ޑޮލަރުގެ މިންވަރު މަތިކުރެވޭނެ ކަމަށް ސަރުކާރުން ޔަގީން ކުރެއެވެ.
ރިއެކްޝަންސް
