ތިން ސައިކަލް ޖެހި ހިނގި އެކްސިޑެންޓެއްގައި 5 މީހަކަށް އަނިޔާވެއްޖެ
ތިން ސައިކަލް ޖެހި ހިނގި އެކްސިޑެންޓެއްގައި 5 މީހަކަށް އަނިޔާވެއްޖެ އެވެ.
ފުލުހުން ބުނީ ރޭ ދަންވަރު އެކްސިޑެންޓް ހިނގީ ހައިވޭގައި މާލެ އިން ހުޅުމާލެ އަށް ދަތުރުކުރާ ފަޅީގައި ކަމަށެވެ. އެކްސިޑެނެޓް ހިނގީ 12:11 ހާއިރު އެވެ.
އެކްސިޑެނެޓްގައި އަނިޔާވި ފަސް މީހުންގެ ތެރެއިން ހަތަރު މީހުން ވަނީ ދޫކޮށްލާފައެވެ. އެކަކަށް ޓްރީޓޮޕް ހޮސްޕިޓަލްގައި ދަނީ ފަރުވާ ދެމުންނެވެ. ނަމަވެސް އޭނާގެ ހާލު ސީރިއަސް ނޫން ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ.
އެކްސިޑެންޓް ހިނގީ ސައިކަލެއް އޯވަރޓޭކް ކުރަން އުޅުމުގެ ތެރޭގައި، ދެ ސައިކަލް ޖެހި އެކްސިޑެންޓްވެ އަދި ފަހަތުން އައި ސައިކަލެއްގައި ވެސް ޖެހިގެން ކަމަށް ފުލުހުން ބުންޏެވެ. ފުލުހުން ބުނީ ގަވާއިދާ ހިލާފަށް ދުއްވި ސައިކަލް ޓޯކޮށްފައިވާ ކަމަށެވެ.
މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
ރިއެކްޝަންސް
