ބަނގުރަލާއެކު މަޖީދީ މަގުން މީހަކު ހައްޔަރުކޮށްފި
ބަނގުރަލާއެކު މަޖީދީ މަގުން މީހަކު ހައްޔަރުކޮށްފި އެވެ. ރޭގެ ވަގުތެއްގައި ބަނގުރަލާއެކު ފުލުހުން ހައްޔަރުކުރީ ގދ.ގައްދޫ ރެޑްމާގެ, އަޒްހާމް ސައީދު (33) އެވެ.
ދިވެހި ފުލުހުންގެ ޚިދުމަތުން ބުނީ އޭނާ ހައްޔަރުކުރީ މާލޭގައި ބަނގުރަލުގެ ވިޔަފާރި ކުރާކަމަށް އިންޓެލިޖެންސަށް ލިބުނު މައުލޫމާތަކާ ގުޅިގެން ކަމަށެވެ. އޭނާ މަޖީދީ މަގުން ހުއްޓުވާ ބަލާ ފާސްކޮށް, ހައްޔަރުކުރީ ބަނގުރަލާ އެކުކަމަށް ފުލުހުން ބުންޏެވެ.
ބަނގުރާ ފެނުނީ އަޒްހާމް ސައީދު ދުއްވި ސައިކަލުންނެވެ. ތިން ފުޅި ބަނގުރާ ފެނުނު ކަމަށް ފުލުހުން ބުންޏެވެ. އޭނާ ހައްޔަރުކުރީ ޑްރަގް އެންފޯސްމަންޓް އާއި އިންޓެލިޖެންސް ގުޅިގެން ހިންގި އޮޕަރޭޝަނެއްގައި ކަމަށް ފުލުހުން ބުންޏެވެ.
މައްސަލަ ތަހުގީގު ކުރަމުންދާ ކަމަށް ފުލުހުން ބުންޏެވެ.
ރިއެކްޝަންސް
