ރާއްޖޭގައި ސްނޯކްލިންގ އަށް ގޮސްއުޅުން ޖަޕާނުގެ މަޖިލިސް މެމްބަރަކު މަރުވެއްޖެ
މަރުވީ ލިބަރަލް ޑިމޮކްރެޓިކް ޕާޓީގެ ޓޮޝިޔުކީ އަޑާޗީ
ރާއްޖޭގައި ސްނޯކްލިންގ އަށް ގޮސްއުޅުން ޖަޕާނުގެ މަޖިލިސް މެމްބަރަކު މަރުވެއްޖެއެވެ. ދިވެހި ފުލުހުންގެ ޚިދުމަތުން މިއަދު ބުނީ ޅަ.އަތޮޅުގައި ހިންގާ ރިސޯރޓެއްގައި ޖަޕާނުގެ 70 އަހަރުގެ ފިރިހެން ފަތުރުވެރިއަކު މަރުވެފައިވާ ކަމަށެވެ.
އެމީހާގެ އެއްވެސް މައުލޫމާތެއް ފުލުހުން ހިއްސާއެއް ނުކުރެއެވެ. ނަމަވެސް މައުލޫމާތު ލިބިފައިވާ ގޮތުގައި މަރުވީ ޖަޕާނުގެ މަޖިލިސް މެމްބަރެއް ކަމަށްވާ ޓޮޝިޔުކީ އަޑާޗީ އެވެ. އެކަން ޖަޕާނުގެ ބައެއް މީޑިޔާ ތަކުން ވަނީ ރިޕޯރޓް ކޮށްފައެވެ. އެވްރިމަގާސީ ގައި ރިޕޯރޓްކޮށްފައި ވަނީ ލިބަރަލް ޑިމޮކްރެޓިކް ޕާޓީގެ މެމްބަރު ރާއްޖެއަށް ޗުއްޓީ ހޭދަކުރަން ކުރި ދަތުރުގައި މަރުވެފައިވާ ކަމަށެވެ. އަދި އެކަން ތަހުގީގު ކުރަމުން ދާކަމަށް ބުނެފައި ވެއެވެ.
އޭނާ ޗުއްޓީ ހޭދަކުރަން ރާއްޖެ މިމަހުގެ 25 ވަނަ ދުވަހު އެވެ. ޗުއްޓީ ނިންމާލުމަށްފަހު އެނބުރި ދާން އޮތީ ޖެނުއަރީ މަހުގެ ހަވަނަ ދުވަހު އެވެ. އަޑާޗީ ޖަޕާނުގެ ޤާނޫނު ހަދާ މަޖިލިހުގައި ގުނަމުން އައީ ދެވަނަ ދައުރެވެ.
ފުލުހުން ބުނީ ޖަޕާނުގެ ފަތުރުވެރިއަކު ސްނޯކްލިންގ އަށް ގޮސް އުޅެނިކޮށް މޫދުގައި މަރުވެފައި އޮއްވާ ފެނުނު މައްސަލަ އެޚިދުމަތަށް ރިޕޯރޓް ކުރީ އިއްޔެ ހެނދުނު 8:33 ހާއިރު ކަމަށެވެ.
ރިއެކްޝަންސް
