ތަހުގީގަށް އެހީވާން އައި ޓީމް ފުރައިފި, އެޓީމްގެ ހޯދުންތައް ހިއްސާކުރާނެ- ފުލުހުން
ތަހުގީގު ޓީމް ފުރީ ތަހުގީގު ފުރިހަމަ ކުރުމަށް ބޭނުންވާ އެންމެހައި ކަންކަން ދިރާސާކުރުމަށްފަހު
ދިވެހި ފުލުހުންގެ ޚިދުމަތުން މިއަދު ބުނީ އެޓީމް މިދިޔަ އާދިއްތަ ދުވަހު އެނބުރި ގޮސްފައިވާކަމަށެވެ. އެޓީމް ފުރީ ހާދިސާ ހިނގި ތަން ބަލައި، ތަހުގީގު ފުރިހަމަ ކުރުމަށް ބޭނުންވާ އެންމެހައި ކަންކަން ދިރާސާކުރުމަށްފަހު ކަމަށް ފުލުހުން ބުންޏެވެ. މީގެ އިތުރުން، ހާދިސާއާ ގުޅޭ ފޮޓޯ، ވީޑިއޯ އަދި ސީސީޓީވީ ފުޓޭޖްގެ އިތުރުން ހާދިސާއާ ގުޅުންހުރި މުހިންމު މައުލޫމާތުތައް ޓީމާ ހިއްސާކުރެވިފައިވާކަމަށް ވެސް ދިވެހި ފުލުހުންގެ ޚިދުމަތުން ބުންޏެވެ.
" ފޯރުކޮށްދެވުނު މައުލޫމާތުތަކާއި ތަކެތި ދިރާސާކުރުމަށްފަހު، އެ ޓީމުގެ ހޯދުންތައް ދިވެހި ފުލުހުންގެ ޚިދުމަތާ ހިއްސާކުރުމަށް ވަނީ ހަމަޖެހިފައެވެ." ފުލުހުން ބުންޏެވެ.
ގްރީން ބިލްޑިންގައި އަލިފާން ރޯވީ މިމަހުގެ 12 ވަނަ ދުވަހު ހެނދުނު އެވެ. އެހާދިސާގައި އެއިމާރާތް ވަނީ ބިމާ ހަމަވެފައެވެ. އެތަނުގައި ހިންގަމުން އައި ތިން މިނިސްޓްރީގެ މަސައްކަތް ވަގުތީ ގޮތުން ބަދަލުކޮށް ޚިދުމަތްދޭން ފެށީ ދަރުބާރުގޭގައެވެ. އޭގެފަހުން ހައުސިންގ މިނިސްޓްރީ އުވާލާ އެމިނިސްޓްރީގެ މަސައްކަތްތައް ވަނީ އެހެން ދެ ވުޒާރާއަކަށް ބަދަލުކޮށްފައެވެ.
ރިއެކްޝަންސް
