އާ އަހަރަށް ފުލުހުންގެ ޚާއްޞަ އޮޕަރޭޝަނެއް ފަށައިފި
އާ އަހަރަށް ފުލުހުންގެ ޚާއްޞަ އޮޕަރޭޝަނެއް ފަށައިފި އެވެ. މި އޮޕަރޭޝަނަކީ އާ އަހަރާ ދިމާކޮށް, ބަނގުރާ އަދި މަސްތުވާތަކެތި ބޭނުންކޮށް, ވިއްކާ ވިޔަފާރި ކުރުން އިތުރުވާނެ ކަމަށް ބެލެވޭތީ ފެށި އޮޕަރޭޝަނެއް ކަމަށް ފުލުހުން ބުންޏެވެ.
ދިވެހި ފުލުހުންގެ ޚިދުމަތުން ބުނީ މިއޮޕަރޭޝަންގެ ދަށުން ޑްރަގް އެންފޯސްމަންޓާއި, ހުޅުމާލެ ޕޮލިސް އަދި މެރިން ޕޮލިސް އާއު ކ.އަތޮޅު ޕޮލިސް ސްޓޭޝަންތައް ގުޅިގެން އިއްޔެ ޚާއްޞަ އޮޕަރޭޝަނެއް ހިންގާފައިވާ ކަމަށެވެ. އެއޮޕަރޭޝަންގައި ހުޅުމާލެ ފަޅުތެރެ ޕެޓްރޯލް ކުރިއެވެ. އަދި ރަށުތެރެއަށް ބަނގުރާ އަރުވާ, ބަނގުރާ ވިއްކާ ކަމަށް ޝައްކުކުރެވޭ ކެފޭ, ރެސްޓޯރަންޓްތައް މޮނިޓަރކުރި ކަމަށް ފުލުހުން ބުންޏެވެ.
ފުލުހުން ބުނީ ރެއިން ފެށިގެން ކުރިއަށް ގެންދާ މި އޮޕަރޭޝަންގައި ހުޅުމާލޭގެ އެކި ސަރަހައްދުތަކުގައި ސްޓެޓިކް ޑިއުޓީކޮށް، ވީ.ސީ.ޕީތައް އިތުރުކުރުމަށް ހަމަޖެހިފައިވާ ކަމަށެވެ. މީގެއިތުރުން ހުޅުމާލެ ފޭސް 1 ގެ ސަރަހައްދުތަކާއި ފޭސް 2 ގެ ސަރަހައްދުތައް ބެލެހެއްޓުން އިތުރުކުރުމާއި ފޭސް 3 ހިމެނޭ ސަރަހައްދަށް ވަދެނިކުމެ ހަދާ މީހުންނާއި އުޅަނދުތައް ބަލައިފާސްކުރާނެ ކަމަށް ބުންޏެވެ. އަދި މި އޮޕަރޭޝަނުގެ ތެރެއިން ވެލާނާ އިންޓަރނޭޝަނަލް އެއަރޕޯޓްގެ ސަރަހައްދުތައްވެސް ޕެޓްރޯލްކޮށް ބެލެހެއްޓުމަށް ހަމަޖެހިފައިވާކަމަށް ފުލުހުން ބުންޏެވެ.
ފުލުހުން ބުނީ ޤާނޫނ ޤަވާއިދާ ހިލާފްވާ ފަރތްތަކާ މެދު ފިޔަވަޅު އެޅުމުގެ މަސައްކަތް ކުރަމުން ގެންދާނެ ކަމަށެވެ.
އާ އަހަރު ފާހަގަ ކުރަން ޕާޓީ ކުރުން ރާއްޖޭގައިވެސް ވަނީ ޢާއްމުވެފައެވެ.
ރިއެކްޝަންސް
