އާ އަހަރާ ދިމާކޮށް ބަންދު 4 ދުވަސް!
މިއަހަރުގެ މީލާދީ އާ އަހަރާ ދިމާކޮށް, ސަރުކާރު މުވައްޒަފުންނަށް ބަންދު ހަތަރު ދުވަސް ލިބޭނެ އިންތިޒާމް ރައީސުލްޖުމްހޫރިއްޔާ ހަމަޖައްސަވައިފިއެވެ.
އާ އަހަރާ ދިމާކޮށް ވިވިދިގެން ބަންދު 4 ދުވަސް ލިބެނީ ޖެނުއަރީ މަހުގެ 2 ވަނަ ދުވަސް ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑރ.މުހައްމަދު މުއިއްޒު ހަމަޖެއްސެވުމުންނެވެ. ކަލަންޑަރުގައި ވާގޮތުން އާ އަހަރު ފަށާ ދުވަހަކީ ސަރުކާރު ބަންދު ދުވަހެކެވެ. އެދުވަސް ދިމާވަނީ ބުދަ ދުވަހަކާއެވެ. ޖެހިގެން އަންނަ ބުރާސްފަތި ދުވަސް ރަސްމީ ދުވަހަކަށް ވުމުން ހަފްތާ ބަންދުގެ މެދަށް ރަސްމީ ދުވަހެއް ވަދެ, ބަންދު ދުވަސްތައް މެދުކެނޑެއެވެ.
ރައީސުލްޖުމްހޫރިއްޔާ ބުރާސްފަތި ދުވަސް ބަންދު ދުވަހެއްގެ ގޮތުގައި ހަމަޖެއްސެވީ، ބަންދު ދުވަސްތަކަށް މެދުކެނޑުމެއްނައިސް، މުވައްޒަފުންނަށް ޗުއްޓީ ލިބޭގޮތަށް ހަމަޖައްސަވައި ދެއްވުމަށްޓަކައެވެ. އާ އަހަރުގެ ބަންދު ދިމާވަނީ ސްކޫލް ކުދިންގެވެސް ޗުއްޓީއާއެވެ.
ރިއެކްޝަންސް
