ގުރުލައިގެން ނަސީބު އެހީވީ ފުވައްމުލައް ސިޓީ އަށް
ފުވައްމުލައް ގޯލްޑް ކަޕްގެ ކްއާޓާ އަށް
ގުރުއަތުގެ ނަސީބުން ފުވައްމުލައް ސިޓީ ނައިންޓީ ޕްލަސް ގޯލްޑް ކަޕްގެ ކްއާޓާ ފައިނަލަށް ދަތުރުކޮށްފިއެވެ.
ކްއާޓާ ފައިނަލްގެ ޖާގަ ލިބޭނެ ޓީމެއް ކަނޑައަޅަން ގުރުއަތުލާން ޖެހުނީ މިގްރޫޕްގައި ފުވައްމުލަކުގެ އިތުރުން ތިމަރަފުށި ޕޮއިންޓްގެ ގޮތުން އެއްވަރުވުމުންނެވެ. ތިން ޓީމް ހިމެނޭ ގްރޫޕްގައި މިދެޓީމަށްވެސް ލިބުނީ ޕޮއިންޓެކެވެ. އެއީ މިދެޓީމް ވާދަކުރި މެޗު 1-1 ން އެއްވަރުވެ, ލިބުނު ޕޮއިންޓެވެ. މިދެޓީމްވެސް ބަލިވީ މިގްރޫޕްގައި ކުޅުނު ދެ މެޗުންވެސް މޮޅުވެ, އެއްވަނަ ޓީމްގެ ގޮތުގައި ކްއާޓާ ފައިނަލަށް ދަތުރުކުރީ ކ.ގުރައިދޫ އަތުންނެވެ. ގުރައިދޫން ފުވައްމުލަކާއި ތިމަރަފުށި ވެސް ބަލިކުރީ 1-0 ނެވެ.
ފުވައްމުލަކާއި ތިމަރަފުށީގެވެސް ފައިދާ ގޯލެއް ނެތެވެ. ދެޓީމްގެ ތެރެއިން ކްއާޓާ ފައިނަލްގެ ޖާގަ ލިބޭ ޓީމެއް ކަނޑައަޅަން ފުރުއަތު ނެގީ މިއަދު ހަވީރު ރަސްމީ ދަނޑުގައެވެ. މީގެތެރެއިން ފުވައްމުލައް ސިޓީ އަކީ ފުރަތަމަ ބުރުގައި ކުޅުނު ހަތަރު މެޗުވެސް ކާމިޔާބުކޮށްގެން ގްރޫޕް ސްޓޭޖްގެ ދެވަނަ ބުރުން ޖާގަ ހޯދި ޓީމެކެވެ.
މުބާރާތުގައި އަލިފުށްޓާއި މާލެ ސިޓީ ވާދަކުރަން އޮތް މެޗު ފަހުވަގުތު ވަނީ މާދަމާއަށް ފަސްކޮށްފައެވެ. މެޗު ފަސްކުރީ ދެތީމް މެޗަށް ނިކުންނަންވެސް ތައްޔާރުވެފައި ވަނިކޮށެވެ. އެއީ ޅ.ކުރެންދޫން ހުށަހެޅި މައްސަލައަކާ ގުޅިގެންނެނެވެ. މިގްރޫޕްގައި ކުޅުނު ދެ މެޗުންވެސް ބަލިވެ, ކެޓި ކުރެންދޫ ހުށަހެޅި މައްސަލައަކީ މާލެ ސިޓީ ޓީމްގެ ދެ ކުޅުންތެރިއެއްގެ ރަށްވެހި ކަމުގެ މައްސަލަ އެކެވެ. އެދެ ކުޅުންތެރިންނަކީ މާލެ ސިޓީގެ ދެ ކުޅުންތެރިން ނަމަވެސް މިފަހުން އެދެ ކުޅުންތެރިން ވަނީ މުބާރާތެއް ކުޅެން އެހެން ރަށަކަށް ރަށްވެހިކަން ބަދަލުކޮށްފައި ކަމަށް މައުލޫމާތު ލިބެއެވެ. ގޯލްޑް ކަޕް ދެ ކުޅުންތެރިން ހުސަހެޅީ ރަށްވެހިކަން ބަދަލުކުރުމުގެ ކުރީގެ އައިޑީ ކާޑެވެ.
މިމައްސަލައާ ގުޅިގެންމާލެ ސިޓީން ކުރެންދޫ އަތުން މޮޅުވި މެޗުގެ ޕޮއިންޓް އުނިކޮށް, ކުރެންދޫ މޮޅުވި ކަމަށް ނިންމައިފި ނަމަ ކުރެންދޫ ކްއާޓާ އަށް ދިއުމުގެ ފުރުޞަތު އެބައޮތެވެ.
ރިއެކްޝަންސް
