ޓެކްސީ ޑްރައިވަރުންގެ އިހުތިޖާޖުން ހައްޔަރު ކުރި ތިން މީހުންގެ ތެރެއިން ދެ މީހުންގެ މުއްދަތު ޖަހައިފި
22 އުޅަނދު ޓޯކުރި
ޓެކްސީ ޑްރައިވަރުންގެ މުޒާހަރާއިން ހައްޔަރު ކުރި ތިން މީހުންގެ ތެރެއިން ދެ މީހުންގެ މުއްދަތު ޖަހައިފިއެވެ.
ފުލުހުން ބުނީ ހުޅުމާލޭގައި ބައެއް ޓެކްސީ ޑްރައިވަރުން ކުރިއަށްގެންދިޔަ އިހުތިޖާޖުގެ ތެރެއިން 3 މީހުން ހައްޔަރު ކުރި ކަމަށެވެ. ހައްޔަރުކުރީ މއ.ވިރާޙު މުހައްމަދު ޝާމިން އާއި ލ.ދަނބިދޫ ސަންރޭ އަހުމަދު ޝަބީންއާއި ހދ.ކުމުންދޫ ހޮލިޑޭވިލެޖް ނުޢުމާން އަހުމަދެވެ. ތިން މީހުންގެ ބަންދުގެ މިއްދަތުޖަހަން ކޯޓަށް ގެންދިއުމުން ޝާމިން އާއި ޝަބީން 5 ދުވަހަށް ބަންދުކުރަން ކޯޓުން ވަނީ އަމުރުކޮށްފައެވެ. އަދި ނުއުމާން ވަނީ ޝަރުތުކޮށް ކޯޓުން ދޫކޮށްލާފައެވެ.
ފުލުހުން ބުނީ އެމީހުން ހައްޔަރުކުރީ ޢާއްމު ދަތުރުފަތުރަށް ހުރަސްއަޅާ ހުޅުމާލޭގެ މަގުތައް ބްލޮކްކުރި މައްސަލައާ ގުޅިގެން ކަމަށެވެ. ޓެކްސީ ޑްރައިވަރުން އިހުތިޖާޖަށް ނިކުތީ ސަރުކާރުން ޓެކްސީ ލައިނެއްގެ ޚިދުމަތް ފަށާތީ އެކަމާ ނުރުހުން ފާޅުކޮށެވެ.
ރިއެކްޝަންސް
